WASHINGTON - Ibandla le-Zanu PF lilungiselela ukuqhuba kutsha ukhetho lwama primaries eGokwe Nembudziya lezinye indawo, okuthiwa kube lodlakela ngesikhathi kukhethwa abazalimela kukhetho oluzakwenziwa lonyaka.
Abanye abesizigabeni ezizaqhuba ukhetho lolu kutsha ngabadlelana lomongameli emmerson mnangagwa. Bagoqela uMnu. Ziyambi ziyambi, ophethe uhlangothi lwezemithetho, loMnu. Mayor Wadzajena.
UMnu. Tafadzwa Mugwadi, obona ngokwethulwa kwemibiko kubandla leli, uthi kulezigaba ezintathu kuphela phakathi kwezedlula amakhulu amabili ezingaqhubanga kahle ama-primaries.
Uthi lokhu kuveza ukuba kulombuso okhululekileyo kubandla elibusayo.
UMnu. Freedom Murechu, okubandla leli, uyakusekela lokhu, esithi kulenkululeko ebanzi kubandla elibusayo.
UMnu. Nhlanhla Moses Ncube, okunhlanganiso yeFreedom Alliance, uthi kusobala ukuba abantu bafuthelene kubandla elibusayo.