WASHINGTON - UMongameli weMelika, uMnu. Joseph Biden usungule uhambo lokwethekelela eIreland izolo, lapho okubikwa elanda ukuyananza iminyaka engamatshumi amabili lanhlanu esivumelwano seGood Friday.
Lesisivumelwano sokulondoloza ukuthula salotshwa phakathi kwenhlanganiso zombangazwe ezimbalwa ngomnyaka ka 1998, ngemva kweminyaka eminengi kuxatshanwa ngodaba lokubambanisa isizwe lesi ndawonye leleBhilithane, okwakufunwa yingxenye yesizwe, eyinye ingakufuni lokhu.
UMnu. Darlington Dube, isizalwane seZimbabwe esihlala eIreland, uthi
"UJoe Biden ufike lapha eIreland enhlokodolobha ye-Ireland, okuyi Dublin, wabonana leziphathamandla zalapha. Ma ekhuluma yena ngokwakhe, uthi uzokwakha ubudlelwane lezwe laseIreland. Simbone efika lapha eDublin edlulela ezweni lase Northern Ireland, wafika khona wathi ufisa ukuthi ahlangane lenhlangano zonke zezombusazwe ezepolitiki zase Northern Island."