BULAWAYO - Uzulu eZimbabwe ukhonona ngeholo kanye lokukhuphuka kwentengo yemali yakwamanye amazwe ezitolo lomkambo omnyama. Abantu abanengi bahola idola leZimbabwe loba impahla etshiyeneyo ithengiswa ngamadola eMelika. Bathi bathwele nzima ngokutshintsha imali yelizwe besenzela ukuthenga ukudla lokunye, okuthengiswa ngamadola eMelika.
lntengo yempahla efunwa nguzulu nsukuzonke iqhubekela phambili ikhuphuka, ikakhulu uma umuntu esebenzisa idollar leZimbabwe. UNkosikazi Pretty Mpofu, othengisa emkambo, uthi ukukhuphuka kwentengo yedola leMelika sekusenza labo bengasafuni ukuthatha imali yakuleli nxa bethengisa.
“EZimbabwe sesisazi ukuthi singumhlambi kazelusile imali siyidinga ngazozonke indlela nxa usamukela Imali yakuleli uyadinga ngazozonke indlela ukuthi uyiguqule ibengeyangaphandle kwelizwe masinyane ingakaze ihlangane lerate eqansayo ubususiya emashop amancane agcwele yonke indawo yikho lapho okungcono khona nxa ufuna ukuthenga ngemali yakuleli uyathenga emashop amakhulu lakho kunzima uyathi uqhathanisa intengo uyabona ukuthi phandle kungcono.”
UMnu. Mqondisi Maphosa, osebenzela uhulumende, uthi bayaphoqeka ukuthi bathenge imali emkambo omnyama ukuze benelise ukuthenga lapho okungcono khona.
"EZimbabwe sesisazi ukuthi singumhlambi kazelusile imali siyidinga ngazozonke indlela nxa usamukela Imali yakuleli uyadinga ngazozonke indlela ukuthi uyiguqhule ibengeyangaphandle kwelizwe masinyane ingakaze ihlangane lerate eqansayo ubususiya emashop amancane agcwele yonke indawo yikho lapho okungcono khona nxa ufuna ukuthenga ngemali yakuleli uyathenga emashop amakhulu lakho kunzima uyathi uqhathanisa intengo uyabona ukuthi phandle kungcono.”
UMnu. Antony Majongosi, umgcinisihlalo weZimbabwe Nurses Association, uthi kulobunzima ekuthengeni idola leMelika.
“Sibona ukuthi basinika imali enengi kuyi-RTGS, kodwa ukuthenga izinto ezitolo kusetshenziswa i-foreign currency. Kutsho ukuthi imali yethu ayisakwani ukuthi siyisebenzise ema-shops. Kuyabangela ukuthi umuntu engayithola futhi i-salary yakhe, agijime aye e-black market atshintshe ukuthi akwanise ukuthenga kumbe abhadale ama-bills. Lokhuyana akuyenzi ngoba iblack market iyadula.”
Lokhu kusekelwa nguNkosikazi Nomsa Hadebe, isakhamuzi sakoBulawayo.
“Kuyadanisa esikuthola ezitolo ngoba intengo zitshintsha phose malanga onke, ikakhulu nxa sikhangela intengo ye-RTGS lama USD kuyadanisa kakhulu. Ukuthi siyethenga i-USD emkambo kuyadula ngoba akulantengo emileyo umuntu lomuntu uleyakhe njalo kuyadula okokuthi ngabe liyahle likhitshwe iRTGS kusebenze eyangaphandle imali ngoba yiyo elesisindo.”
Idola leMelika lithenga ngamadola eZimbabwe ayinkulungwane lengxenye emkambo wensitha - $1,500 Zimbabwe dollars kuthi ebhanga lithengiswa ngamadola ayisitshiyagalolunye $949.82.