amalinks wokungena

Breaking News

Amabandla Aphikisayo Athi Akula Lutho Oluzaphuma Kuqula leSADC Elethekelela eZimbabwe


FILE: Uphethe amaphepha okuvota, Harare, Zimbabwe, July 30, 2018.
FILE: Uphethe amaphepha okuvota, Harare, Zimbabwe, July 30, 2018.

WASHINGTON - Amalunga eSouthern African Development Electoral Advisory Council akwele Zimbabwe lapho ahlolisisa amalungiselelo okhetho olukhulu oluzakwenziwa lonyaka.

Okwamanje iqula leli elikhokhelwa nguMahluli uTicheme Dlamini selenze imihlangano lentathelizindaba lezinye inhlanganiso ezizimeleyo.

Likhangelelwe ukuba lizahlangana leziphathamandla zamabandla agoqela eleZanu PF, Citizens Coalition for Change lamanye lingakagqibi uhambo lwalo.

Abakumabandla aphikisayo bakhala ngokuthi akulalutho olwenziwa ngele Zimbabwe kulandela okwacelwa yinhlanganiso le kulandela ukhetho olwenziwa ngomnyaka ka2018.

Athi kusobala ukuba akulalutho oluzakwenzakala oluzakwethulwa liqula leli seligqibe umsebenzi walo.

UNkosazana Ellen Shiriyedenga, obona ngezokhetho kubandla leCCC, uthi akulalutho oluzaphuma okwenziwa liqula leSADC elethekelela eZimbabwe.

UMnu. Freedom Murechu, okubandla leZanu PF, uncome iqula leli esithi eleZimbabwe liyingxenye yeSADC ngakho-ke bazakwenza okufiswa lilizwe leli lenhlanganiso le.

‚Äč
XS
SM
MD
LG