BULAWAYO - Kuliviki kuhlelo Woza Friday silomculi womdumo wama piano lekwaito, uSindiso Moyo, owazakala ngokuthi nguJay Cee.
Banengi abaculi beZimbambwe abaphuma ekhaya baye eMzansi bezama ukuzithuthukisa kwezomculo. Omunye wabo ngumfana kaMoyo.
"Igama lami lokuzalwa nguSindiso Moyo, kuthi-ke elestage nguJC. Ngakhulela eFilabusi ngafunda eMsithi, ngase ngithi nje ukuya phetsheya ngaqhubeka ngezifundo yikho lapho engaqala khona ukwenza into zami ezomculo. I-family ikhona laphana nje eMsithi emagcekeni empasigwe."
UJay Cee selesikhathi ekwezomculo. Pho lona igama elithi Jay Cee livela ngaphi?
"Mina ukucula ngaqala ngo2008 ngiqala nje ukubhala ingoma. Kodwa ngaqala ukuhlabela esingakuthi ku-professional ngo2014. Ngakhupha my first studio album ngo2014. Igama elithi JC ligama elasuka from Jungle Cat kuyikuthi hanti kulabo mangoye abekhaya, kube sekusiba lalaba abegangeni phela. Umculo wami uyi mixture of different genres."
Umfana kaMoyo uthi laye njengabaculi abanengi wangena kwezomculo ethunukwa yizehlakalo empilweni
"Kwathi ekutshoneni kukamama yikho engaqala khona ukubhala ingoma ngase ngizithola sengi lomngane ephepheni, into eyangenza ukuthi ngingene kwezmculo. Ngasebenza kakhulu lama companies anjenge Ambitious Entertainment, ngasebenza labo baba uMadlela uSikhobokhobo, ngasebenza labo Dj Call Me lamanye nje abanengi ama-artist asemzansi."
UJay Cee uyatholakala kuma khasi okuzilibazisa awe social media ngegama lakhe.
“Ngu Jay Cee Rap-Addict, imessage yokugcina engingayitsho nje kuba laleli yikuthi unga give up iphupho lakho. Uma ungabe ulesifiso esokucula, noma esoku actor nom'u lesifiso nje esinye. Lingithole ku-YouTube lidinge umculo uyatholakala kuYouTube.
UJay Cee uthandwa ngontanga abanengi njalo umculo wakhe usungenile okuzwayo laseSouth Africa.