Ibandla leZanu PF kalikethuli impumela yokhetho oluphindwayo olwama primaries olwenziwe ngoMgqibelo eGokwe Nembudziya lase Zvimba South.
Sehlulekile ukukhuluma ngodaba lolu loMnu. Christopher Mutsvangwa, isikhulumeli sebandla leZanu PF.
Ukhetho lolu lolunye ezigabeni ezinhlanu eZimbabwe luphindwe kulandela ukukhonona kwabanqotshiweyo abagoqela uMnu. Ziyambi Ziyambi, ophethe uhlangothi luka hulumende olubona ngezemithetho.
Omunye njalo owakha phansi kusenziwa ukhetho lwakuqala lwama primaries nguMnu. Mayor Wadyajena eGokwe Nembudziya. UWadyajena wake wetheswa icala lobukhohlakali.
Ukhetho lwama primaries ngolokudinga abazamela ibandla leZanu PF kukhetho olukhulu oluzakwenziwa ngoNtulikazi kumbe ngoNcwabakazi.