Uhulumende uthi useqalisile ukhlenga izizalwane zeZimbabwe ezihlala kwele Sudan lapho okulempi embi.
Iphephandaba lobulembu, ele Zimlive.com lithi uhulumende ukhulumisane lezizalwane zezimbabwe ezilikhulu, 100, ezikwele sudan esezilubhekise emgceleni we Port of Sudan ngoba amagceke endizamtshina engasasebenzi.
Amanye amazwe abalisa lele South Africa lawo abikwa esethethe inyathelo elifanayo.
EleMelika lona lithi selimile ukuhlenga izizalwane zelizwe lazo ngoba sekunzima ukuzisusa.
Kucatshangelwa ukuba kulezizalwane zeleMelika eziyinkulungwane ezilitshumi lasithupha, 16 000.
Ukuhlaziya loludaba sixoxe lolandela ezombusazwe, uMnu. Difa Wajapi Bango Dube.
