amalinks wokungena

Breaking News

Usuqalile Umbukiso weZimbabwe International Trade Fair


ZITF 2023
ZITF 2023

BULAWAYO - Usuqalile umbukiso omkhulu wezamabhizimusi oweZimbabwe International Trade Fair (ZITF) koBulawayo.

Umsekeli kamongameli, uMnu. Constantino Chiwenga, ukhangelelwe ukuba ngoLwesithathu uzavula okusemthethweni umhlangano wabosomabhizimusi oweZITF International Business Conference, oqoqwe yinkampani yeZITF imanyane leye Natiomal Economic Consulatative Forum.

NgoLwesihlanu umbukiso weZITF uzavulwa okusemthethweni yiNkosi yaMaSwati, uMswati III.

Ababukisa impahla etshiyeneyo eZITF 2023 baqale ukuthenga lokuthengisa abakulungisayo eZimbabwe International Trade Fair Showgrounds.

Obona ngokuthenga lokuthengisa ibhizimusi leZITF uNkosikazi Dorin Dzamatira uchaze ukuba, ibhizimusi iqale ngobunono obuphezulu namuhla.

UMqondisi wenhlanganiso yabezindaba eyeZimbabwe Media Commission, uMnu. Godwin Phiri, uthi umbukiso walonyaka uyangcomeka.

UMnu. Killion Masuku, okubhizimusi lokubumba ubonga uncedo lokuphathiswa kumabhizimusi, uthi kunengi abakhangelele ukuthi bazakuthola kunhlanganiso yeZimTrade.

EleMelika lilabasakhulayo ababasekelayo kumabhizimusi ahlukeneyo. UMnu Kelvin Mhlophe uthunga izicathulo esekelwa yiMelika.

Obona ngezentuthuko lamabhizimusi esigodlweni sommeli weBhilithani eZimbabwe, uMnu. Martin Elsop, uthi balobudlelwano obuhle lamabhizimusi akuleli athenga ethengisa ezweni labo belethemba lokwenza lelo nani lonyaka.

ethengisa ezweni labo belethemba lokwengeza lelo nani lonyaka.

Umbukiso wamabhizimusi oweZITF walonyaka uqhutshwa phansi kwesihloko esithi "Transformative Innovation, Global Competitiveness".

Amazwe angamatshumi amabili lanye abukisa lonyaka lamankampani edlula kancane ngamakhulu amahlanu - 533 azabe esenkundleni eyeZimbabwe International Trade Fair showgrounds. Abaphathintambo beZITF bathi umbukiso walonyaka uthuthuke ngesilinganiso sokungamatshumi amathathu ekhulwini - 30% ngemva kokwehla ngenxa yobhubhane lweCOVID-19 nyakenye.

Kusenjalo, umabhalane wogatsha lwezokukhutshwa kwemibiko, uMnu. Nick Mangwana, ubelomhlangano leNtathelizindaba lamhlanje eZITF lapho aveze khona ukuba ukuguqulwa kokukhutshwa kwemibiko kusetshenziswa imitshina yakulezi insuku sekukusilinganiso samatshumi amane lambili ekhulwini njalo badonsa nzima ukuze baluphutshe loluhlelo.

NgoLwesibili njalo, uNkosazana Meg Riggs, umqondisi wenhlelo Embassy yeMelika kuleli, uvule okusemthethweni uhlelo lwemitshina yakulezi insuku iTexpo Hackathon eNUST American Space koBulawayo lapho abakhangelele khona ukuphuma labafundi abazaphuma lobuchopho bokuqondisa ubunzima besebenzisa imitshina yebulenjini.

I -ZITF imanyene labosimabhizimusi, ikhangelelwe ngoLwesithathu ukuba izaqhuba umhlangano ozangenwa ngumsekeli kaMongameli uMnu. Constantino Chiwenga labakumanyano we-European Union labanye. NgoLwesine kuzakuba lomhlangano weConnect Africa Symposium, ozangenwa njalo nguMnu. Chiwenga labeUNDP, E-U lobosomabhizimusi abavele emazweni womhlaba.

Abasakhulayo labo balemihlangano yabo ephansi kombukiso omncane kulowe ZITF, owe-Scholastica, ozaqhutshwa ngumqondisi weNational University of Science and Technology, uSikhwicamfundo Mqhele Dlodlo.

‚Äč
XS
SM
MD
LG