BULAWAYO..........
Abo manyano weTeachers4USD, benze umhlangano wokukhulumisana ngodaba bavumelana ukuthi kuzamele basebenze insuku ezimbili ngeviki, betshengisela kumqatshi ukukhonona kwabo ngeholo eliphansi abalitholayo befuna njalo ukuthi lonke balithole ngedola leMelika.
Isikhulumeli senhlanganiso yababalisi eye Amalgameted Teachers Union of Zimbabwe, umnunzana Thembakuye Moyo uthi bazaqala ukusebenza amalanga amabili ngeviki, ngoMvulo langoLwesibili, besalinde ukuthi uhulumende akhuphule iholo labo.
“Ngemva kokunanzelela ukuthi uhulumende kancibiliki ngendaba yeholo leUSD siyyenze umkhankaso kumalunga lakubabalisi sisebenzisa i# Teachers for USD inxoxo ephumileyo yikuthi ngcono besebenze amalanga amabili nxa sikhangela abasemaphandleni basebenze ngeMonday langeTuesday ngoba imali ayilingani le2 days nxa sivula izikolo sisenza lokho sikhuphule amalanga esiyabe singawasebenzi sesisenza itotal withdrawal.”
Ilunga leyinye njalo inhlanganiso yababalisi eye Zimbabwe Teachers Association umnunzana Goodwill Taderera uthi ababalisi bakhangelelwe ukuthi labo babe lezinto ezipheleleyo besiya ezikolweni.
"Amanyathelo okuvulwa kwezikolo kumele adlule kunhlanganiso sonke,njalo kumele kumele kube lezindlela ezingcono zokuthi ababalisi baphile ngcono ngeholo. Nxa sikhuluma ngendlela zokuphila sikhuluma ngokuthi yibo abahlala labantwana isikhathi eside kumele bengakhononi nxa bethola iholo labo kuhle.”
Umnunzana Ekel Ncube umgcinisikhwama wenhlanganiso yababalisi eyeZimbabwe National Educators Union (ZINEU). Yenake uthi ukulungisela kwababalisi ukuvula izikolo kunzima ngoba bengela mali eyeneleyo yokubuyela emsebenzini.
“Istate of preparedness yamatitsha kulungela ukuvulwa kwezikolo inzima kakhulu.Ababalisi abala mali nxa kuzahanjwa emsebenzini ababalisi sebezangena ezikweledeni kuyinto ebuhlungu kakhulu kubabalisi leyo ngoba bebekhange ukuthi Kuthwa iholo lizakhwela kuzavuma ukuthi benelise ukuthi bakhave amaneeds abo.”
Unkosikazi Thando Bhebhe umsekeli kamabhalani weEducators Union of Zimbabwe uthi uhulumende kumele enze imizamo yonke ukukhulumisana kusase masinyane.
“Okudangalisa ababalisi yikuthi uhulumende ukhanya engazimisele ukuthi akhiphe ababalisi edubeni lolu abalalo,kambe uhulumende nxa ezakhona engezelela icovid allowance iCovid yadlula kudala ekuthini angezelele iholo lababalisi ekwazi mhlophe ukuthi umuntu nxa esethatha umhlalaphansi kuyabe kungela lutho.Ababalisi bayafisa ukuthi ngabe uhulumende wenza into ekhanyayo ukuze lowu umlilo omemethekayo wenqatshelwe.”
Isikhulumeli sgatsha lwezeMfundo, umnunzana Taungana Ndoro uthi ababalisi labantwaana besikolo bakhangelelwe ukuba zesikolo malanga onke.
“Izikolo zikhangelelwe ukuvulwa mhlaka 8 May ngoMvulo ozayo, abantwana lababalisi bakhangelelwe ukuthi babekhona kuzekuyevalwa.Abezemfundo bazabe bekhangele konke okwenzakalayo ezikolo.”
Umhlangano wokucina phakathi kukahulumende kanye lenhlanganiso emele izisebenzi eye Zimbabwe Confederation of Public Sector Trade Unions owawumele uqhutshwe ngenyanga edluleyo kaMabasa, mhlaka 21, awuphumelelanga ngemva kokuba inhlanganiso emele izisebenzi yala ukwamukela okwakuphawulwe nguhulumende.
Uhulumende ucine ukukhuphula iholo lezisebenzi zakhe ngaphandle kwabezempilakahle ngoMabasa ngesisilinganiso esiphethwe Kabili-(100%), wengeza njalo ekhangelelane lengozi yobhubhane lweCOVID-19 ngesilinganiso esingamatshumi amabili lanhlanu ekhulwini 25%. Kuthi ababalisi baphiwa lamadola angamatshumi ayisitshiyagalombili emali ye Melika (USD$80) phezulu.
Imizamo yokuxhumana lomphathintambo okhangele izisebenzi zikahulumende uSikhwicamfundo Paul Mavima yehlule ngoba ubengadobhi ucingo lwakhe., ukuthi atsho ngesikhalazo seholo. Kodwa utshele iStudio 7 kuthange, ukuba uhulumende uyakwazi ukuthi izisebenzi zakhe zithola iholo eliphansi ngakhoke kuyadingeka ukuthi likhuphulwe, besamele nje ukuthi bazwisisane lezisebenzi ngesilinganiso okumele likhuphulwe ngaso.
