BULAWAYO - Izikolo sezivulelwe okwehlandla lesibili labafundi sebephindele njalo ngobunengi babo ukuyaqhuba izifundo zabo.
Izikolo zivulwe ngoMvulo abazali labafundi bekhonona ngokukhuphuka kwendleko zesikolo kanye lezinye impahla eziphathelana lokwesikolo.
Umnumzana Sibongumusa Dube, olomntwana ofunda ehlala esikolo kumbe iboarder, uthi izikolo bezifuna kuhlawulwe abantwana bengakangeni emabhasini abatwalayo.
“Izikolo bezifuna ifull payment of ischool fees, bezifuna ama receipt phambili ukwenzela ukuthi bayenze iclearance yomntwana ukwenzela ukuthi umntwana angene ezimoteni zezikolo particularly ama bordering schools. Kanti-ke izikolo azichacisanga whether kuzaba lama visiting days khathesi loba kazi ukubakhona. Lokhu bathe bazasazisa in due course. So, yikho okukhona esikutholileyo okwakhathesi. But, amaFees abefunakala sibili ngokigcweleyo. The US Dollar component lale ebhadalwa ngeLocal currency ukwenzela ukuthi umntwana akwazi ukuhamba esikolweni.”
UNkosikazi Judith Ndlovu uthi akulamali yokufundisa abantwana.
“I challenge engibe layo yikuthi amakampani aphuzile ukusibhadala, ngapha kulama lines ebank ngapha le-network ayikho. Sicina sesi forced ukuthi sigijime ngama last minute. Ngapha izikolo azivumi ukuthi umtwana angene engabhadalanga ifees. Ngapha emsebenzi uyabe ufuneka, ngapha kumele ulungise konke okwesikolo. I-inflation layo itshayile, imali ayikwani.”
Omunye njalo umzali, uMnumzana Nkosana Marimo, uthi kukhanya engani abantwana bakhululekile kancane lonyaka uma kukhangelwa ubhubhane lweCOVID-19.
“Izikolo sezivulelwe ithemu yesibili labafundi sebephindele njalo ngobunengi babo ukuyaqhuba izifundo zabo. Imbadalo yezikolo osekuyindaba egudwini mnyakayonke ngenxa yokukhuphuka kwazo, njalo lezikolo sezikhethe ukuphawula imbadalo ngemali yakweleMelika ikanti abazali besamukela iholo ngemali yakuleli. Ukuvulwa kwezikolo lokhu kufike ngesikhathi njalo lapho inhlanganiso yezempilakahle emhlabeni wonke jikelele isiyehlise isisindo sokwesabisa komkhuhlane weCOVID 19.”
UNkosikazi Nomvula Mpofu, olabantwana abafunda koBulawayo, uthi konke kukhanye kuqhutshwa kahle lonyaka.
“Hayi okwa this term izikolo zivulwa asibanga lodubo. Lesikolweni abantwana abazange babe lodubo. Okunye khona kuphela yikuthi kulaba abazali ekade singakabhadali iSchool fees, besikhunjuzwa ukuthi please bhadalani ischool fees. Bazingenele kuhle esikolo kuli term. Akufanani lakwezinyindawo ngelanga lakuqala bayatshe baxotshe, kodwa khathesi, hayi, basingenele kuhle singazi ngokuya kweviki.”
Unobhala wogatsha lwezemfundo, uNkosikazi Tumisang Thabela, ngenyanga eliphelileyo wakhupha umbiko okhuthaza izikolo, ikakhulu lezi ezilabafundi abahlala esikolo, ukuba ziqhubeke zinanzelela indlela ezifakiweyo ozokwenqabela ukumemetheka kwegcikwane leCOVID-19 kanye lokhuhlane wohudo.