Ibandla le MRP lisebenzelana lele African People First elakwele South Africa selivumelane lohulumende walelolizwe ukuthi abadabuka esigabeni seMandebeleni baphathwe ngesineke kwele South Africa.
Ibandla leli lithi ibandla le African People First libelomhlangano izolo lomphathintambo wezenzakala elizweni le South Africa, uMnu. Aaron Motsoaledi bavumelana ukuba abantu besigagaba seMandebeleni abalama permit asephele kumbe asezaphela umsebenzi kuzamele bayewavuselela kundawo zama kiosk asesunguliwe ukwenza lumsebenzi.
Unobhala jikelele webandla le African People first, uNkosikazi Julie Pillay Mbuthuma uthi uMotsoaledi uveze ukuba abantu bakoMthwakazi kuzamele bagcine ama risiti okuvuselela amapermits azasetshenziswa ukuthi bengazabotshwa bengahlangana lamapholisa.
Upillay uthi njalo sokuvunyelwene ukuthi abantwana abalabazali abadabuka esigabeni sika mthwakazi abazalelwa kwele South Africa asebeleminyaka elitshumi lasithoba minwe mibili balelungelo lokuyabhalisa ukuba yizizalwane zakwele South Africa, ama citizens.
Abadabuka esigabeni sikaMthwakazi abafuna uncedo bakhuthazwa ukuthi baxhumane lo Pilay kunombolo ezithi 0742224161.
Sixoxe lesikhulumeli sebandla le MRP, uMnu. Velile Moyo ukuze sizwe okunengi ngaloludaba.
