amalinks wokungena

Breaking News

I-Dynamos Iba Ngutshiki Lobhanqa 0-0 leHerentials


Dynamos Team
Dynamos Team

Lokhu kungemva kokudlala okwehola lonke lenxenye kungela ohlohlileyo phakathi kwamaqembu womabili, umdlalo waze waphela kungutshiki lobhanqa 0-0 emdlalweni obusenkundleni eye National Sports, eHarare, NgoMgqibelo emini.

EZEMIDLALO....................

Iqembu lenguqu eleDynamos likhuthe ukuba sesiqongweni sengalane yemiklomelo esigabeni sePremier Soccer League ngemva kokudlala lele Herentals okwehola lonke lenxenye kungela ohlohlileyo umdlalo waze waphela kungutshiki lobhanqa 0-0 emdlalweni obusenkundleni eye National Sports NgoMgqibelo emini.

Iqembu ele Bulawayo Chiefs, likhanya lisidla ubedu ngalezi nsuku ngoba linqobe ele Sheasham 2-0, ngemva kokunqoba njalo ele Dynamos 3-2, lanqoba njalo I-Hwange 3-0 ngempelasonto edluleyo.

I Bosso yona lokhu ikhokhela engalaneni yemiklomelo ngoba kunje ilalitshumi lanhlanu-15 points, okufanayo le Caps United leBulawayo Chiefs ngemva kwemidlalo ethobamunwe munye eye PSL yalonyaka.

Iqembu ele Ngezi elidlala le FC Platinum kusasa lona lisendaweni yesine lilemiklomelo elitshumi lantathu elingana leye Dynamos.

Kusasa iHighlanders izadlala leSimba Bhora. I Caps United yona izadlala le Hwange enkundleni eye National Sports Stadium, eHarare .

Ele Dynamos, likhanya lisiba lenkinga lapha lalaphaya ngoba ngaphandle kokuba lotshiki lbhanqa, lele Herentals like laba kusimo sinye emdlalweni walo le-Triangle zero kazero.

‚Äč
XS
SM
MD
LG