amalinks wokungena

Breaking News

IZanu PF Ithi Intengo Yesinkwa, Impuphu Lokunye Ikhutshulwa Ngabafuna Uhulumende Ezondwe Nguzulu


FILE: Amalunga ebandla leZanu PF athakazelela ukunqoba kwebandla leli kukhetho luka 2018
FILE: Amalunga ebandla leZanu PF athakazelela ukunqoba kwebandla leli kukhetho luka 2018

MARYLAND - Ikhuphuka okungapheliyo intengo yokudla lokunye eZimbabwe, osokukhumbuza uzulu ngokwenzakala ngomnyaka ka2008 kuze kugugudeke okumangalisayo idola lelizwe elacina lilahlwa ngomnyaka ka2009.

Abakubandla elibusayo bathi ukugugudeka kwedola njalo lokukhuphuka mahlayana kwentengo yempahla eZimbabwe kubangwa ngamabandla aphikisayo. UMnu. Believe Gaule, okubandla leZanu PF, ngomunye walabo abathi amabandla aphikisayo afuna ukuba uhulumende ehlamukelwe nguzulu ngesikhathi kulungiselelwa ukhetho olukhulu oluzayo.

Kodwa okubandla leCCC, uMnu. Fortune Mlalazi okubandla leCCC, uthi ibandla elibusayo selehlulekile ukuguqula umnotho welizwe.

UMnu. Ambrose Sibindi okhokhela inhlanganiso eyeBulawayo Progressive Residents Association, uthi idola leZimbabwe selifike emaphethelweni.

Uthi kukhona njalo okunye okukhuphula intengo yempahla etshiyeneyo.

Uhulumende uthi abantu sebevunyelwa ukuyathenga impuphu, amafutha okupheka lokunye kwele South Africa lakwamanye amazwe okungafakelwa umthelo we-customs duty.

‚Äč
XS
SM
MD
LG