amalinks wokungena

Breaking News

Kubotshwa Abacatshangelwa Ukuthi Ngamasela Ahlomileyo Agqekeza Ezindlini koBulawayo


Isikhulumeli samapholisa koBulawayo uMnu. Abednico Ncube.
Isikhulumeli samapholisa koBulawayo uMnu. Abednico Ncube.

Amapholisa athi ngoLwesithathu abophe abayisitshiyagalolunye koBulawayo abacatshangelwa ukuthi ngamasela ababikwa bebehlasela izakhamizi ikakhulu emalokitshini; njalo omunye wabo ngusomabhizimusi wePlumtree uMnu. Limukani Khuphe ohlala eRangemore.

Isikhulumeli samapholisa koBulawayo uMnu. Abednico Ncube utshengise intathelizindaba izibhamu ezibikwa bezisetshenziswa ngababotshiweyo, ezinye zingezokukhohlisa, kwathi izibotshwa lezi lazo zabukiswa emphakathini.

UMnu. Ncube ukhuthaze izakhamizi ukuthi ziqinise amafasitela lezivalo ngama burglar bars ukuze zivikeleke.

Abanye ababotshiweyo ngoMnumzana Brendon Moyo weLobengula West, Benefit Vhudzi we Mbundane, Witness Macebo weLobengula West, Isheunesu Nhliziyo owaziwa ngokuthi nguScanda, Nyapo Ndlovu, Limukani Dube, lo Lungisani Mpofu bonke bengabe Cowdray Park. Baleminyaka yokuzalwa ephakathi kwamatshumi amabili lane lamatshumi amathathu lasificaminwembili: 24 kusiya ku 38.

Ukuze sihlaziye loludaba, sixoxe loMnu. Ambrose Sibindi, umgcinisihlalo wenhlanganiso yeBulawayo Progressive Residents Association.

please wait

No media source currently available

0:00 0:03:15 0:00

‚Äč
XS
SM
MD
LG