Ukuzitshaya isifuba okwenziwe ngomunye owadlwengula umntwana okhululiweyo ejele nguMongameli Mnangagwa kutshiya uzulu ethukuthele.
Ubaba lo ubesebhasini yezibotshwa ezikhululwe eHarare ngoLwesine utshele intathelizindaba ukuthi ubonga umnangagwa ngokumsusa ejele lapho ayegwetshelwe ukuhlala iminyaka eyisithiya ngalombili kodwa ubesesalelwe ngeminyaka emine ukuthi akhululwe.
Lokhu kudala imibuzo yokuthi nxa kukhululwa abadlwengulayo kutsho ukuthi zikhona ezinye njalo izigelekeqe ezikhululiweyo.
Lubaba uthe umnangagwa ululuju ngoba emkhululile.
Owake waba ngumphathintambo kahulumende, uMnu. Walter Muzembi, eloba enkundleni yokuxhumana eye Twitter, uthe yena ngesikhathi sabo babetshona ubusuku bonke behluza amagama abazaxoelwa ukuze babone ukuthi izigilamkhuba ezilamacala afana lokudlwengula lokubulala zingakhululwa.
Ukuhlaziya loludaba sixoxe lengcwethi kwezombusazwe, uMnu. Den Moyo.
