Ukuhlolisiswa kohlelo lukahulumende olwezemfundo olwe Competence Based Education for Socio-Economic Development ezikolo zonke elizweni okuqalise izolo kugqitshwa namuhla.
Ngaphansi kwaloluhlelo, kulolwe Continuous Assessment and Learning Activities (CALA) lona inengi elikhonona ngokuthi luthwalisa abantwana abavela kumndeni eswelayo amagabha avuzayo ngoba bengafinyeleli amagagasi kumbe ubulembu bokusebenzisa imitshina edingakalayo kulo.
Umsekeli kamgcinisihlalo wenhlanganiso yeBulawayo Progressive Residents Association uNkosikazi Patricia Tshabalala utshele iStudio7 ukuthi balobela uhulumende ngaloludaba.
Kusenjalo, isikhulumeli senhlanganiso emela ababalisi bemaphandleni eyeAmalgamated Rural Teachers Union of Zimbabwe uMnu Thembakuye Moyo uthi abasuthiseki ngendlela uhulumende ahlele ngayo imibuzo ayibuza abantwana besikolo labazali ngohlelo lwe-continuous assessment learning activities (CALA).
UMoyo uthi kungaba liphutha elikhulu nxa uhulumende engekela ukulalela izikhalazo zabafundi, ababalisi labafundi esokuthi aguqule loluhlelo alwenze lwaneliseke.
Forum