amalinks wokungena

Breaking News

Abakubandla leCCC Bathi Bathwaliswe Nzima Ngabadlelana Lohulumende Abaphazamisa Imihlangano Yabo


Kudingwa abazamela ibandla leCCC kukhetho olukhulu oluzayo. (VOA)
Kudingwa abazamela ibandla leCCC kukhetho olukhulu oluzayo. (VOA)

MARYLAND - Abakubandla leCitizens Coalition for Change (CCC) bathi imihlangano yabo eyeConsensus Candidates Selection iphazanyiswa ngabacatshangelwa ukuba ngabezomvikela ababambisana lebandla elibusayo.

Bathi imihlangano yabo iphazanyiswe eHwange, Lupane, Umguza, Plumtree, Chinhoyi, Shamva lezinye indawo lapho abadinga abazabamela kukhetho oluzayo.

Loba kunjalo, ibandla leli lithi selithole abanye abantu abazalimela kukhetho lolu oluzakwenziwa ngoNtulikazi kumbe ngoNcwabakazi.

Kasenelisanga ukukhuluma ngodaba lolu lesikhulumeli samapholisa, uSenior Assistant Commissioner Paul Nyathi obengaphenduli umakhalekhukhwini.

Sehlulekile njalo ukukhuluma loMnu. Nick Mangwana, umabhalane wohlangothi lukahulumende olubona ngokwethulwa kwemibiko, kanye lomphathintambo qogatsha lolu, uNkosikazi Monica Mutsvangwa.

UMnu. Felix Magalela Mafa, okubandla leCCC, uthi abaphazamisa imihlangano le ngabadlelana lebandla elibusayo.

Siphinde saxoxa ngodaba lolu loMnu. Believe Gaule okubandla leZanu PF, othi amalunga ebandla leCCC akhalela angakwaziyo.

Forum

‚Äč
XS
SM
MD
LG