amalinks wokungena

Breaking News

UChamisa Uthembisa Ukuthi i-CCC Izahlonipha Ilungelo leNtathelizindaba


CCC leader Nelson Chamisa meets the press
CCC leader Nelson Chamisa meets the press

Ekhuluma emhlanganweni lentathelizindaba eHarare Ngolwesihlanu, uChamisa uthe ibandla lakhe lizimisele ukusekela umsebenzi owenziwa zintathelizindaba esithi ziqakathekile kakhulu elizweni ikakhulu ngesikhathi sokhetho.

HARARE...................

Umkhokheli webandla le Citizens Coalition for Change (CCC) uMnu Nelson Chamisa uthi ukuze kube lokhetho olukhululekileyo elizweni kumele intathelizindaba zenze umsebenzi wazo zingathathi icele loba ukusekela amabandla ezombusazwe.

Ekhuluma emhlanganweni lentathelizindaba eHarare Ngolwesihlanu, uChamisa uthe ibandla lakhe lizimisele ukusekela umsebenzi owenziwa zintathelizindaba esithi ziqakathekile kakhulu elizweni ikakhulu ngesikhathi sokhetho.

‘Ngiyazi ukuba elizweni abantu kasikhulumisani kodwa ngikhuthaza wonnke umuntu ukuba ahloniphe umsebenzi eliwenzayo ikakhulu ngesikhathi sokhetho’

CCC leader Nelson Chamisa meets the press
CCC leader Nelson Chamisa meets the press

UChamisa uthe uyadana ngokuba ibandla lakhe kaliphiwa ithuba lokukhuluma emsakazweni efana leZBC lakumaphephandaba anjenge Herald Chronicle lamanye aphansi kukahullumende, wona athi ngamankampani athola imali kuzulu esithi kumele anikeze uzulu amathuba.

Lokhu kugcizelelwe yisikhulumeli sebandla lakhe, uMnu Gift Ostallos Siziba yena otthi ibandla labo lizenza konke okusemandleni alo ukuba intatheli zihlonitshwe ngesikhathi sokhetho.

‘Ibandla lethu liqakathekisa umsebenzi eliwenzayo, sifuna ukuba amalungelo enu alandelwe hatshi ukuba umuntu atshaywe kube yinto yeze’

Ekhuluma emhlanganweni munye, umgcinisihlalo weMedia Alliance of Zimbabwe, uPerfect Hlongwane uthi bona njengenhlanganiso bafisa ukuthi intathelizindaba zihlonitshwe amalungelo azo okusebenza zikhululekile okumunyethwe lakusisekelo sombuso welizwe, ikakhulu khathesi ilizwe likhangelane lokhetho olukhulu.

‘Sifuna ukuba abamandla ezombusazwe ahloniphe umsebenzi wethu. Sithemba ukuba esikwenze namhla lesikwenze le ZANU PF kuzakwenza ukuba intathelizi zihlonitshwe’

CCC leader Nelson Chamisa meets the press
CCC leader Nelson Chamisa meets the press

Umhlangano lo owenzelwe emahofisini kaChamisa eHarare, ube uqoqwe ngabomanyano wenhlanganiso zentathelizindaba zonke elizweni eyeMedia Alliance of Zimbabwe. Lo asiwo mhlangano wakuqala asebewenze labamabandla ezombusazwe beququzela ukuthi intathelizindaba zihlonitshwe ukuze zisebenze zikhululekile, zingahlukumezwa, ukubotshwa kumbe ukwaliswa ukungena kwezinye izehlakalo ezile Lungelo lokuba khona, njengalokho okumunyethwe kusisekelo sombuso welizwe.

NgoLwesithathi yonale iviki abe MAZ baqoqe omunye umhlangano ofanayo lapho intathelizindaba zihlangane lebandla le ZANU PF esogodlweni se bandla leli eHarare. Abe MAZ bathi kabayikuma ngamabandla la womabili kuphela kodwa bazaqhubeka behlangana lamanye agoqela abe MDC-T ekhokhelwa ngu Douglas Mwonzora ngo Mvulo lamanye, ngalesi sikhathi ele Zimbabwe likungiselela ukhetho lokudinga amakhansila, amalunga edale lephalamende kanye lomongameli.

Forum

XS
SM
MD
LG