amalinks wokungena

Breaking News

Kubunjwa Umthetho Osuphanyekwe Edale leSenate Ozancindezela Abaphikisayo Ngendlela Eyethusayo


FILE - Parliament of Zimbabwe
FILE - Parliament of Zimbabwe

HARARE - Idale ledale lephalamende eleNational Assembly ngoLwesine lidlulisele phambili umthetho obunjwayo oweCriminal Law Codication Reform Bill, olesiqa esesatshwa nguzulu esizakwenza kubenzima ukuba abantu bechothoze uhulumende wakwele Zimbabwe.

Umthetho obunjwayo lo, owazakala njalo ngokuthi yiPatriotic Bill udluliselwe phambli kulandela okwethulwe yi-Parliamentary Legal Commitee ethe akula okubi ngawo.

Umabhalane omkhulu wedale lephalamende, uMnu. Kennedy Chokuda utshele iStudio 7 ukuba usuphanyekwe edale leSenate, elikhangelelwe ukuba lizawuhlolisisa kunsukwana ezilandelayo.

Lokhu kugcizelelwe ngokhokhela ibandla leZANU PF edale lephalamende, uMnu. Pupurai Togarepi, uthe kusobala ukuba iSenate izawamukela kahle iwudlulisele kuMongameli Emmerson Mnangagwa umthetho lo obunjwayo.

Eloba enkundleni yeTwitter, ummeli weHarare West, uMnu. Tendai Biti, uthe lumthetho utshengisa ukuba amalungelo oluntu kawahlonitshwa eZimbabwe.

UMnu. Daniel Molokele, omele iHwange Central edale lephalamende, uthi kawulunganga umthetho obunjwayo lo.

Ingcwethi kwezamalungelo oluntu ezimeleyo, uMnu. Benard Nnuce, laye uyawusola lumthetho.

Inhlanganiso emela amalungelo oluntu eyeZimbabwe Lawyers for Human Rights ithi umthetho lowu wenza eleZimbabwe libe lemithetho engahambelani lesikhathi.

Forum

XS
SM
MD
LG