amalinks wokungena

Breaking News

Abamabandla Okholo LwesiPostoli Baveza Usekelo Lwabo kuMongameli Mnangagwa


AmaZion lamaPositoli 4ED
AmaZion lamaPositoli 4ED

HARARE -- Abebandla lwezokholo lwesiPostoli leZion bathi bazadingela uMongameli Mnangagwa amavoti afika izigidi ezinhlanu-5million, kukhetho olukhulu lwalonyaka lokudinga amakhansila, amalunga edale lephalamende lomongameli welizwe.

Lokhu kuphume emhlangangwe wala mabandla ezokholo owenzelwe enkundleni eyeZimbabwe Grounds, emzini oweHighfields, eHarare namhlanje lapho akadhe ethe gwaqa evez usekelo lwawo kuMongameli Emmerson Mnangagwa.

Bekule nkulungwane ezinhlanu zamakholwa la abakade behlabele bejabulela ibandla le ZANU PF.

AmaZion lamaPositoli 4ED
AmaZion lamaPositoli 4ED

Omunye wabakade bekhona kulumbuthano nguNkosikazi Yvonne Tshuma owenkonzo ye Zion yena othi bazasekela uMongameli.

"Sitshumayeleni sibabhabhathize ngegama lika ED, elika MP lelika khansila"

UMnu Jeffat Shumba owebandla lamapositoli akoMwazha yena laye ugcizelela ukuthi bama loMnangagwa.

AmaZion lamaPositoli 4ED
AmaZion lamaPositoli 4ED

"UMongameli labikhio bebezwisisana ukuba abntu bengalwi udlakela kaluyekelwe kungabi lodlakela sibe yinto yinye"

Ekhuluma kulu mbuthano uMongameli Mnangagwa uthe uhulumende wakhe uqakathekisa abokholo lolu.

"Inkokheli kahulumende eliyibona lapha nxa ithandaza baba ngabantu abahle. Umoya omubi uhle uyekhatshana"

AmaZion lamaPositoli 4ED
AmaZion lamaPositoli 4ED

Induna ye Zhombe uWait Gwesela uthi bayathaba ngohlelo lolu.

"Abokholo laba yibo abathandazisa abantu, ukuthu abantu babe ngabantu abangasozigila mkhulu okwenza umsebenzi wethu ube lula"

Kodwa isikhulumeli se CCC uMnu Felix Mafa uthi akulunganga ukusebenzisa amabandla okholo ukusekela ibandla elibusayo.

" Kulusizi ukuthi uMnangagwa usegijima ngebizo lamapostoli lokhu abakwenzayo kuyize"

Abokholo lwePositoli lamaZion laba benze umhlangano lowu ngesikhathi ilizwe selilungiselela ukhetho lwalonyaka.

Lumhlangano ube ngowakuqala ukungenwa nguMnangagwa ngemva kokwethula ilanga lokuqhutshwa kokhetho ekuqaliseni kwale iviki, elika mhlaka 23 Ncwabakazi.

please wait

No media source currently available

0:00 0:03:20 0:00

Forum

‚Äč
XS
SM
MD
LG