Amabandla Amakhulu eZimbabwe Asekhankasela Ngamandla Ukhetho Oluzayo AbeCCC Besithi eleZanu PF Liqambela Uzulu Amanga

WASHINGTON - Ibandla le-Zanu PF lithi uqhubeka kahle umkhankaso wokhetho olukhulu oluzayo njalo le-dollar le-zimbabwe selikhuphuka isisindo.

UMnu. Mlungisi Moyo labanye bakhe abakhankasela ibandla leli bathi balethemba lokuthi uzulu usebonile konke okuhle okwenziwe nguMongameli Emmerson Mnangagwa kusukela ngesikhathi engena esikhundleni sikamongameli.

UMoyo uthi okwamanje selikhuphuka isisindo idollar idollar leZimbabwe ebeseligugudeke okumangalisayo.

Kodwa ibandla leCitizens Coalition for Change lithi elibusayo lifafaza amanga ilizwe lonke ngesikhathi lisenzela ukuvotelwa nguzulu.

UMnu. Prince Dubeko Sibanda, umngcinisihlalo webandla leCCC, uthi iZanu PF iqamba amanga ngesimo somnotho isenzela ukuthola amavoti athe xaxa kukhetho oluzayo.