amalinks wokungena

Breaking News

Amapholisa Acebisana Ukuba Kumele Kwekelwe Abaphikisayo Beqhube Imihlangano Yokukhankasela Ukhetho Oluzayo Bekhululekile


FILE - Okunye okwenzakale kubandla leCCC kusukela ngesikhathi libunjwa
FILE - Okunye okwenzakale kubandla leCCC kusukela ngesikhathi libunjwa

BULAWAYO - Inkokheli yamapholisa ithi kumele amabandla aphikisayo avunyelwe ukwenza imihlangano yokukhankasela ukhetho olukhulu oluzayo hatshi ukuvinjwa sonke isikhathi ngoba lokhu kululaza eleZimbabwe.

Umbiko lo ulandela ukuvinjwa kwemihlangano yebandla leCitizens Coalition for Change elikhokhelwa nguMnu. Nelson Chamisa, ngamapholisa labacatshangelwa ukuba ngamalunga ebandla leZanu PF eMasvingo, Mashonaland Central lezinye izabelo.

Kulencwadi elotshwe ngomkhulu wamapholisa obona ngezokhetho uCommander of Elections, uCommissioner Ndofandaedza Jaboon obhalele amapholisa alezikhundla eziphezulu esithi akumelanga bevimbe imhlangano yamabandla aphikisayo ngoba lokhu kululaza eleZimbabwe, elizaqhuba ukhetho mhlaka 23 Ncwabakazi.

Isikhulumeli samapholisa, uAssistant Commissioner Paul Nyathi, uthi leyoncwadi akumelanga ibalwe nguzulu ngoba ibisezandleni zenkokheli yamapholisa.

kodwa incwadi le esiyibona kuSocial Media, incwadi le kade ifanele ukuthi ihambe kuma Police Commanders kuphela not kuzulu kumbe ku ntatheli zendaba. So umuntu ofake imessage leyi siyamdinga khathesi njalo singamthola sizamjezisa. Thina njenge Zimbabwe Republic Police sihlala sikhuluma lama Commanders sisebenzisa ama Memo. Ama-memo lawa are for internal communication not for public communication.

Ababona okwenzakalayo bathi lokhu kuveza ukuba amanye amapholisa afisa ukuthi kuqhutshwe ukhetho olukhululekileyo eZimbabwe lonyaka. Amapholisa asanda kuvimba imihlangano embalwa eyebandla leCCC, egoqela obekumele wenzelwe eBindura izolo owokusungula okusemthethweni umkhankaso wokhetho olukhulu oluzayo.

UMnu. Ostallos Gift Siziba, umsekeli wesikhulumeli sebandla leCCC, uthi baqhubekela phambili ngomkhankaso wabo loba bevinjwa ngamapholisa.

"Njengenhlanganiso siqhubekela phambili ngokhetho, kuyatshengisa ukubana ke ilokwethuka lokwesaba ngendaba ke yokuthi umkhankaso wethu yikho ubona bethuma amapholisa bezama ukulimaza abantu lokwethusela abantu kodwa siyaqhubekela phambili. Yikho libona izolo ke besisendaweni yonke ilizwe lonke ke ama MP lama councilor be qhubeka ngomkhankaso. Emalangeni azayo siyabe sise Midlands sisebenza amarally ethu aya continue ayaqhubeka asoze samiswa yi Zanu Pf ngoba iZanu Pf layo yi competetor njengathi angezake yasimisa ukubana siqhubekele phambili nge campaign yethu."

Ukhokheli webandla leZapu, uMnu. Sibangilizwe Nkomo, uthi kuyayangisa okwenziwa ngamapholisa avimba imihlangano yamanye amabandla aphikisayo.

"Ngiyamangala nxa sokuthiwa ama rally ayavalwa pho sisebenze sithini akumelanga kubenjalo, akukho emthethweni lokhu ukuthi bevale ama rally abantu. Kanti kumele kubuse inhlanganiso eyodwa kuphela elizweni lapha. Phela ukuvala ama rally kutshengisela ukuthi kuvalelwa amanye ama party phandle ukuthi singasasebenzi. Thina njenge Zapu siyaku condema kakhulu lokhu okwenzakalayo."

UMnu. Mqondisi Moyo, umkhokheli webandla leMthwakazi Republic Party, uthi akumangalisi okwenziwa ngamapholisa.

"Kuyinto embi kakhulu. Sikubonile lathi izikhathi ezinengi njenge Mthwakazi Republic Party, amapholisa besimisa besiyalela ukusi clear ama Rally ethu ama elections lawa asoze ebe free and fair ngoba iZanu PF isebenzisana leZimbabwe Republic Police bayavimbela amabadla aphikisayo ukuthi benze ama rally."

Ibandla leZanu-PF lilandula ukuba lisebenza lamapholisa ekuvimbeni imhlangano yeCCC.

UMnu. Tafadzwa Mugwadi ngumqondisi wezemibiko kubandla elibusayo.

"IZanu PF ikholelwa kukhetho oluhamba ngendlela ngakho-ke wonke amabandla ePolitics kubalisela azimele wodwa akhululekile ukwenza imikhankaso yabo. Kodwa kumele belandele imithetho yakhona besebenza belandela izinqumo zogwalo lwemithethi ezikhokhela yi Zimbabwe Republic Police. Asiboni thina njengeZanu PF singena nga. Esigodlweni seZanuPF asila sigidlo seZimbabwe Republic Police.

Uzulu ulinde ngamehlo abomvu ukubona ukuthi imhlangano ezabizwa ngamabandla aphilisayo kusukela namuhla izaphathwa njani ngamapholisa.

Forum

‚Äč
XS
SM
MD
LG