amalinks wokungena

Breaking News

UBiden Ukuzwekazi leEurope Ngesikhathi EleMelika Lifuna Ukunika eleUkraine Ama-cluster Bombs


UMongameli Joe Biden labanye bakhe emhlanganweni omkhulu oweNATO
UMongameli Joe Biden labanye bakhe emhlanganweni omkhulu oweNATO

MARYLAND - UMongameli Joseph Biden wakwele Melika ukuzwekazi leEurope lapho akhulumisana lenkokheli yamazwe akumanyano weNorth Atlantic Treaty Organization (NATO), ngokuhlenga eleUkraine elizivikela empini eyesabekayo eyadalwa ngele Russia.

Abezindaba abeReuters babika ukuba uBiden ungene umhlangano omkhulu owenhlanganiso le kwele Luthuania lapho okukhulunywa ngokunika eleUkraine izikhali ezilohlonzi, ukunakekela iziphepheli ezivela kulelolizwe lokunye.

Eyinye inkokhei yamazwe la isola uBiden, ofisa ukunika eleUkraine izikhali zama cluster bombs, abathi zilakho ukulimaza lokubulala uzulu. Abanye njalo abakubandla lika Biden, elama Democrats, bayayisola imizamo kaBiden le besithi akulungunga ukusebenzisa izikhali lezi. Okwamanje, eleSweden selivunyelwe ukuba lilunga leNATO.

Kusakude ukuba eleUkraine lingene kumanyano lo ngoba imithetho yeNATO kayivumeli amazwe okuqhamuke impi ukuba angene kunhlanganiso le.

UMnu. Den Moyo, olandela ezombusazwe eseWashington DC, uthi kuzakuba nzima okwamanje ukuba eleUkraine lingene kumanyano lo.

UMoyo uphinde wathi akumelanga lohulumende wakwele Melika anike eleUkraine ama-cluster bombs.

Forum

‚Äč
XS
SM
MD
LG