Umkhokheli webandla le CCC, uMnu Nelson Chamisa uthi lo umnyaka uMnangagwa angalokothi aqilibezele kukhetho ngoba amaqhinga akhe wonke usewazi.
UChamisa ubekhuluma izolo embuthwaneni wokuphawula umkhankaso wokhetho edolobheni le Gweru.
Ke sizwe amazwi kaChamisa:
Kusenjalo, uMongameli Mnangagwa utshela abalandeli bakhe ukuthi uthumele indizamtshina encane yohlobo lwe drone ukuhlola ukuthi umhlangano kamnu. Nelson Chamisa ulabantu abangaki.
UMnangagwa obese Chinorumba High School eMasvingo utshele umbuthano webandla lakhe ukuthi idrone esetshenziswe ukubala abantu kade besemhlanganweni wakhe iveze ukuthi bekulabantu abedlula inkulungwane ezilikhulu alamatshumi amabili, 124 000.
Kodwa ingcwethi ziyalandula leli nani.
UMnangagwa uthe idrone abayithumileyo egweru emhlanganweni webandla le CCC obukhokhelwa ngu Chamisa iveze ukuba kulabantu abayinkulungwane ezilutshumi lanhlanu, 15 000.
Ke sizwe amazwi kaMnangagwa:
Ibandla le Zanu PF libikwa lisebenzise amabhasi amanengi kakhulu avele kundawana zonke zelizwe.
Sixoxe lengcwethi ecubungula ezombusazwe, uMnu. Walter Nsununguli Mbongolwane sambuza ukuthi amanani abantu ababonakala emihlanganeni yezombusazwe anga etshengisani?
Forum