amalinks wokungena

Breaking News

Yisiphithiphithi eZimbabwe Okukhankaselwa Ukhetho Oluzayo


Abakhankasela ibandla leCCC
Abakhankasela ibandla leCCC

BULAWAYO - Yisiphithiphi ezigabeni ezinengi eZimbabwe amabandla ezombusazwe ekhankasela ukhetho oluzaqhutshwa mhlaka 23 Ncwabakazi. Namuhla sixoxa labahlali besigaba seNtumbane/Njube, okulabantu abane abafisa ukuncintisa kukhetho lwamalunga edale lephalamende.

Isigaba seEntumbane/Njube sihlanganisa amalokitshi amabili kulandela ukudwetshwa kwemingcele emitsha yiZimbabwe Electoral Commission.

Kunengi okuhlupha abantu esigabeni lesi, okugoqela ukusetshenziswa kwezidakamizwa, imigwaqo egugudeke okumangalisayo, ukusilela komlilo kagesi lokunye. Bazavotela bani abantu esigabeni lesi?

UMnu. Wonder Nkomazana, ohlala eNjube, uthi uzavotela umuntu ozasebenzela isigaba okuzwayo.

"Umuntu esimfunayo ngozaba lotshintsho okuzakhanya a notable change irregardless of ukuthi uvela kuliphi iparty. Sifuna umuntu thina ozaba lezifiso zabantu at heart."

Zanu PF Magunje Rally
Zanu PF Magunje Rally

Kukanti uMnu. Collin Mtshimba, owe-Old Lobengula, ukhala ngemgwaqo efileyo.

"Sifuna uMP ongasenzela kahle ongasilungisela imigwaqo, ongasivalela ama pothole ukwenzela ukuthi thina esidrivayo lathi esihambayo sihambe kuhle. Njalo sifuna ongaqambi manga."

UGogo uMaNdebele oweNtumbane uthi sokuyisikhathi sokukhetha umuntu ozaletha intuthuko.

"Sidinga abakhokheli abalobuntu, okwazi ukuhlonipha abantu. UMP abekwazi ukubana ufakwe ngabantu uqhatshwe ngabantu uyabesebenzela abantu. Sifuna idevelopment ezwayo lapha eNtumbane, kunje abantwana kabayazi into okuthwa yi-library eNtumbane kodwa silabo oMP asikwazi ukuthi kwenzakala njani."

Amazwi kaGogo uMaNdebele agcizelelwa nguGogo uMaMoyo oweNtumbane othi bafuna umuntu ohlonipha uzulu.

Abakubandla leZapu
Abakubandla leZapu

"Hayi uMP ozasebenzela isikhwama sakhe lemuli yakhe kuphela engasasebenzeli abantu. Hayi, sesidiniwe ngabantu abanjengabonalaba thina sifuna uMP ozamela abantu abonakale ebantwini azwe ngabantu."

Abancintisa kukhetho lolu bathi kunengi abafisa ukukwenzela izakhamizi zeNjube leNtumbane. Oncintisa emele ibandla leZanu-PF, uNkosazana Linda Chinamano, uthi njengosakhulayo enganqoba uzathuthukisa intsha.

"Ama youth abasebenzi, they are no employment kuyenzwa yikuyini. Kwenziwa yikuthi ama leader ileadership am talking about u Councilor abalakho abangakunika amayouth ukuthi betshone bekuyenza. Ngoba angiboni ukuthi umuntu engatshona emsebenzini engaphensuka ehlale e brijini enatha intshenku ekwazi ukuthi kusasa kumele evukele emsebenzini. So the best way esingatshintsha ngakho yikuthi ama youth they need to be busy mele sibalungisele izinto zokuthi betshone beziyenza, am the game changer this time arround."

UMnu. Nelson Chamisa labalandeli bebandla leCCC
UMnu. Nelson Chamisa labalandeli bebandla leCCC

UMnu. Prince Dube, ukhethwe libandla leCitizens Coalition for Change ukuba alimele kukhetho lolu. UDube uthi uzalungisa imigwaqo efileyo lokunye okufunzwa yizakhamizi engakhethwa nguzulu.

"Thina njenge CCC we promise iZimbabwe yomuntu wonke, Zimbabwe for everyone. IZimbabwe yokuthi ukwanise ukuyangena eshop uthenge, njani? Ngenxa yokuthi siza creator a proper environment where by there is investment, investment means that at least everyone olemali yakhe uyakwanusa ukubuya azofaka ama company avule icompany yakhe akwanise again ukuthi khonakhona a employ abantu. Abantu bethu baqhatshwe bakwanise ukuthi at least babe le ndlela yokuthi khona khona babe lemali ezikhwameni zabo bakwanise ukuthenga".

UMnu Dingilizwe Tshuma, ngummeli wesigaba lesi edale lephalamende, oncintisa laye ekubandla leCCC. Ibandla leCCC lithi owabo nguDube. UTshuma uthi abahlali balindawo bayazi imisebenzi yakhe emihle ayenzileyo.

Mthwakazi Republic Party
Mthwakazi Republic Party

"Mina njengo Dingilizwe Tshuma phakathi kwesigaba ngisebenze kuhle kakhulu lezakhamizi zase Ntumbane leMakhandeni. Ngakho-ke khathesi ngizimisele ukusebenza kuhle kakhulu lesigaba seNtumbane leNjube. Ngikhuluma nje i-weekend yonaleyi bengibusy phakathi komuzi wase Njube ngisiba lama kitchen meetings ku-busy and people are willing to work with me as we speak."

UNkosazana Beauty Mugurasave, omele ibandla elitsha lezombusazwe eleUnited Zimbabwe Alliance, uthi uzolwisana lokusetshenziswa kwezidakamizwa esigabeni lesi.

"Abantwana sebeswela into zokwenza ama recreational centers asesiba ngama drug smoking zone. Kodwa ngiyakwazi ukuthi umanxa isigaba singisekela lomphakathi ungisekela bengangivotela ukuthi ngingene lami ewofisini siyakwanisa ukuthi sikutshintshe lokhu sibonile sikesakhetha amanye amabandla angenile oZanu PF bangenile oMDC bangenile oCCC bangenile kodwa akula esikubonileyo. Akulatshintsho esilubonileyo imigwaqo lokhe ifile amanzi abantu bayahlupheka izitarada ama towerlight akula."

Abahlali abanengi esigabeni lesi bathi bakhankasela ukhetho lolu ngamandla.

Forum

‚Äč
XS
SM
MD
LG