amalinks wokungena

Breaking News

Ikhansila yakoBulawayo Ithi Isiyehlulekile Ukududula Abe Zanu PF Abathengisa Ngokungekho Emthethweni ku Five Avenue


Abathengisa ku Five Avenue..
Abathengisa ku Five Avenue..

Umsekeli ka mayor wedolobho lakoBulawayo uMnu. Mlandu Ncube, ongukhansila kaWard One enzikini yalelidolobho uthi abantu laba bayangcolisa lapho abathengisa khona njalo bayatshaya amapholisa kamanisipala engazama ukubaxotsha.

Ikhansila yakoBulawayo ithi isiyehlulekile ukududula abathengisa ezitaladini zalelidolobho ngokungekho emthethweni ku Five Avenue okusobala ukuthi bavela kwezinye izigaba zelizwe njalo abahlukuluza abanye abazama ukuziphandela, kunye lamapholisa kamanisipala.

Umsekeli ka mayor wedolobho lakoBulawayo uMnu. Mlandu Ncube, ongukhansila kaWard One enzikini yalelidolobho uthi abantu laba bayangcolisa lapho abathengisa khona njalo bayatshaya amapholisa kamanisipala engazama ukubaxotsha.

Isikhulumeli samapholisa uMnu. Paul Nyathi usanda ukutshela iStudio 7 ukuthi abalalwazi ngokutshaywa kwamapholisa kamanisipala kodwa baphakathi kokuphenya olunye udaba lapho abantu laba ababikwa batshaya intathelizindaba kuleyi indawo ngeviki edluleyo zizama ukukhuluma lalabo ababebhaxabulwe ngabantu abafanayo bezama ukuziphandela.

Asizweni uKhansila Mlandu exoxa kabanzi ngaloludaba loSithandekile Mhlanga weStudio 7.

Forum

‚Äč
XS
SM
MD
LG