BULAWAYO - Abadabuka eZimbabwe abahlala kwele Bhilithane bakhuthaza abantwana besikolo ukuba bengathathi izidakamizwa ukwenzela ukuba bezithuthukise.
Izizalwane zakulindawo eziyisithupha ezihlala eBhilithane lase Ireland zabona kufanele ukuthi zithuthukise izikolo ezafunda kuzo zeLupanda Cluster Schools njalo benze inhlelo zokufundisa abantwana balez’ikolo ngempilo.
Uhlelo lolu luqhutshwa ngokuqoqa imidlalo yenguqu, eyebhola lokuqaga lokunye. Kusanda kuba lemidlalo le eLupanda eLupane. UMnu Francis Nkomazana, ohlala eBhilithane, ngomunye walaba abayisthupha abaqala loluhlelo.
"Indawo yakithi le ayilayo into yokuzilibazisa. Abantwana abanengi bacina sebenatha onjengu, abanye becina sebebhema izidakamizwa, abanye beqeda uGrade 7 kudala sebezithwele kodwa sasesithi thina asihlanganiseni abantu laba ukwenzela ukuthi babe lento ebalibazisayo."
UMbalisi uMaDawu weLihlo Primary School uthi uhlelo lolu soluncede abantwana kakhulu.
“Esigabeni lesi kugcwele kakhulu injengu but because of such tournaments abantwana baya fundiswa ngama dangers enjengu, ngama dangers awe-early pregnancy. Kuyancedisa ukuthi abantwana bakhuthalele ukuhamba esikolo from primary i transition to secondary it has improved through ama tournaments like this."
UNkosikazi Duduzile Sibanda, olwela amalungelo abantwana njalo esenza icounselling kulindawo, ubuka limidlalo le.
"Itournament le silethe ingqubekela phambili enkulu kwabatsha lesigabeni jikelele lokhu yaqalayo iminyaka emithathu edlulileyo. Lokhu kwenza baswele isikhathi sonatha lokubhema okudakayo okunjenge mbanje letototo. Sokulomehluko omkhulu njalo kumankanzana azithwalayo esesemancane. Lonyaka nginanzelele sokulokuhlonipha lokuziphatha kuhle kakhulu kwalaba abasakhulayo okuyinto enhle elethwa yileyi imidlalo."
Osakhulayo uMayibongwe Ndlovu uthi imdlalo le lemfundiso ayitholayo iyamnceda ekuziphatheni kwakhe.
"Ngiyabe ngilibala nje ngichitha isizungu ngifundiswa ukuthi abantwana bangazithwali bebe belibala ngokunye, lendaba zama drugs konke ukuthi bangabhemi bengaphombu ukuthatha."
Izakhamizi zalindawo yeLupanda ziyabonga ngokwenziwa ngabantu laba. UMnu. Mthandazo Gumbo uthi isigaba lesi sesibambene okumangalisayo.
“Into le iyabambanisa izakhamizi labantwana, usually kuma communities kule gap between Izakhamizi labantwana. Izakhamizi ziyabe zidonsa zisiyale abantwana bedonsa besiyale so singayenza ama game Izakhamizi ziyasondelelana labantwana zibekwazi indineko zabantwana lokuthi abantwana bafunani."
Ummeli weLupane East edale lephalamende, uMnu. Mbongeni Dube, ubonga abaqoqa loluhlelo ngentuthuko abayibise esigabeni.
"Ngabantu abufuna ukubona iward yabo iphumelela kuma talent. Siyazi ukuthi izidakamizwa ziyenza ukuthi umntwana akhohlwe ngekhanda lakhe angabikwazi ukuthi wenzanjani. But nxa umntwana etholakala esenza ezemidlalo ulento ayenzayo empilweni yakhe ezamenza ukuthi italent lakhe liphumelele kumbe ukuba nguye kwakhe kuphumelele ngoba uyabengelasikhathi sokuthi nxa etshayisa lapho kumbe utshayisa esikolo kumbe utshayisa ngaphi ayekuzonezo izidakamizwa."
Abantwana bezikolo abathola ulwazi ngezidakamizwa ngabe Tshayamathole, Elihlo, Masungamala, Mkhombo, Phumakanye leSpopoma.
Forum