Basele bebambe owaphansi abanye ngokungconywa libandla le Zanu PF kukababa owadlwengula untombazana oleminyaka elitshumi.
UBobby Makaza wagwetshwa ukuhlala iminyaka elitshumi kodwa wakhululwa nguMongameli Mnangagwa esepike okweminyaka emine nje kuphela.
Ekuphumeni kwakhe ejele watshelwa intathelizindaba ukuthi ubonga uMnangagwa ngoba eluluju kuphela, ngesiShona wathi “Mnangagwa Huchi” osekuyi slogan se Zanu PF esibhalwe lezikipeni.
Iphephandaba le Newsday lithi iziphathamandla zebandla le Zanu PF zakhela ubaba lo indlu njalo zamupha lemali zimbonga ngokusungula islogan lesi.
Kodwa omunye waba kade bethiwa bakhela indlu uMakaza, uMnu. Tino Machakaire ulandule ukuthi nguye owakhela uMakaza indlu.
Kodwa uMakaza ubonakale emfanekisweni esembuthanweni yebandla le Zanu PF evunule izembatho zebandla leli waphelela egqagelwe ngabalandeli balelibandla bemqakezela.
Ukuhlaziya loludaba sixoxe lohlaziya ezombusazwe, uMnu. Difa Wajapi Bango Dube.
Forum