UMongameli Emmerson Mnangagwa ukhuthaza uzulu ukuthi avotele amalunga ebandla lakhe leZanu PF ikakhulu kumakhansili ukuze kukhitshwe awebandla eliphikisayo ele CCC ngoba ehlala ethembisa ize minyaka yonke yokhetho kungela nhlelo zentuthuko elizenzayo.
Bekulenkulungwane lenkuungwane zabasekeli beZANU PF abakade behlabela begida bethakazelela ibandla labo egcekeni le Robert Mugabe square e Harare.
Ekhuluma kulumbuthano uMongameli Mnangagwa uthe lonyaka ibandla lakhe ZANU PF lizanqoba okungathandabuzwayo emadolobheni emadolobheni konke lasemaphandleni.
" Kasibakhipheni e Town house. Kabaphume kuma constituency wonke. Ngitshele umgcinisihlalo we Harare ukuthi sifuna ukunqoba endaweni zonke eHarare"
UMnangagwa uthe ibandla leCCC kalilambali yelizwe esithi iZANU PF yilo lodwa ibandla lika zulu we Zimbabwe. Okungamazwi aphikiswa ngomunye wabasekeli besikhulumeli seCCC, uMnumzana Felix Magalela Mafa.
"Kakwazi akufunayo uMongameli. Umuntu omdala singamthini thina. Sizaqedelana laye mhlaka 23 Ncwabakazi abantu yibo abazaqedelana laye"
Ekhuluma kulumbuthano ozamela iZANU PF e Cowdray Park uMnu Mthuli Ncube uthi uthabile ngokwenzakale kulumhlangano esithi uthole intshukuntshu yokusebenzela ibandla lakhe.
" Umsebenzi uhamba kuhle. Sisefake izibholane. Sesifake amandla kagetsi ukuba kukhanye izikliwi zibaleke. Sesifake ama WIFI'
Kulumhlangano ibandla le ZANU PF lamukele ababe kumabandla aphikisayo abagoqela owayeku bandla le CCC uMnu Paddington Japajapa.
Ababekubandla le POLAD bekhokhelwa ngu Mnu Devine Hove ngomunye obe ekulumhlangano esithi uzavotela iZANU PF.
"Asingenanga kukhetho ngenxa yokuswela imali. Kodwa sinanzelele ukuthi uMongameli sasilaye ku POLAD. Okunengi akwenzayo waphiwa imibono yithi siku POLAD"
Lokhu kusekelwe ngomunye osekela ibandla le ZANU PF uNkosikazi Otilia Maphosa.
"Abantu kababuye sibambane. Sasingavunyelwa ku first street. Salwele ailizwe leli yikho sisizwa ubuhlungu ngoba abantwana kabasazwisisi ukuthi kuqakatheke ngani"
Umhlangano wanamhlanje ube ungowakuqala edolobheni le Harare oweZanu PF wokukhankasela usekelo lokuvotelwa kukhetho lokudinga amakhansila, anmalunga edale lephalamende kanye lomongameli welizwe.
UMongameli Mnangagwa uqhubeke esithi uhulumende wakhe useyenze okunengi okugoqela ukulungisa imigwaqo, ukulungisa igceke lendizamtshina le Robert Mugabe International airport lokunye. Uthe uzulu weZimbabwe kaselakho ukufa ngendlala esithi uhlelo lwe Pfumvidza Intwasa luzaqhubeka nxa enganqoba esithi luzasiwa emadolobheni njalo uhulumende wakhe uzaqhubeka edinga abangane baphandle kwelizwe esithi amazwe angentshonalanga kumele akhiphe izijeziso zomnotho.
Kunjalo nje, umkhokheli webandla eliphikisayo ele Citizens Coalition for Change, umnumzana Nelson Chamisa ube seNkayi laye ekhankasela ukuthola usekelo lokuvotelwa kwebandla lakhe kukhetho lukamhlaka 23 linyanga kaNcwabakazi.
Forum