Phambikwakusa eleZimbabwe lizaqhuba ukhetho olokhulu olwama Harmonised Elections. Amabandla ezombusazwe abephithizela egcwaele indawana yonke ekhankasela usekelo ngoLwesithathu.
IStudio 7 iqhubekela phambili isizwa uzulu ohlala ezigabeni lezi ukuthi ukhala ngani njalo abafuna ukumela lezizigaba bathini.
Isigaba seBulawayo North sesisikhulu okwamagama kulandela ukwenziwa kwemingcele emitsha eyadwetshwa yiZimbabwe Electoral Commission.
Abahlali balindawo bahlutshwa ngokutshiyeneyo. UNkosikazo Felicia Dube, ohlala eKingsdale ukhala ngamasela.
"Sithwele nzima kakhulu lapha eKingsdale silodubo lwamasela basithwalise nzima ,sivuka sitshontshelwe izinto,amaSolar bayathatha.Besifisa ukuthola uMP ongasincedisa asisize kuloludubo esikhangelane lalo."
Kuthi-ke uNkosikazi Miya Ndlovu ukhala ngokuswelakala kwamandla kagesi eMahatshula.
"Mina ngifisa ukuthi sibe lamanzi lamagetsi, like impilo yang'khoba ilow akulamali. Sifuni'msebenzi sitholi'mali sihambise abantwana eskolo vele imali zang'khona ngani azitholakali"
Amanzi ayahlupha kulesisigaba ayahamba njalo nje. UNkosikazi Maria Munyoro uyakhala.
"Thina abanengi asilawo amaJojo, abanye bangcono bayafilla kumaJojo,thina uyathi vele ufake amaPail akho angu4 one week amanzi uyabu'ngasela ucine susiya thatha amanzi ezifuleni, amanzi angcolileyo uzame ukuthi usebenzise etoilet lapha ngoba yeyi kuyabe kunzima.Ahh shuwa mele indaba yamanzi leyi iaddresswe ngoba sithwele nzima sibili."
UNkosazana Naledi Ndlela ugcizelela amazwi kaMaria
"Singananzelela kakhulu nxa amanzi ebuya khonaphana,abantu basebefille ngeskhathi sonalesi amanzi ayabe engcolile , abantu basebefille ngoba bayabe besesaba ukuthi amanzi anjani azahamba, so sikhathazekile kakhulu ngendaba leyi yamanzi."
Ozamela ibandla leZanu-PF, uMnu Nkosana Mnkandla, owayehlala eMelika kodwa owaphenduka ekhaya, uthi udubo lwamanzi luzaqedwa libandla lakhe.
“Constituency yeBulawayo North silama neighborhood anjenge Barbourfields amanzi ayahlupha kulamanye amaflats vele ukuthi amanzi awafiki phezulu thats why in the past weeks besizama ukubanika irelief sibathumezela ama bhawuza but into ezinjalo there are temporal solutions thina as Zanu pf sibuya lama permanent solutions njengobubona ukuthi singakhangela iGwayi Shangani , iGwayi Shangani ahh ahh Lake leyi esisiba complete ipipe Line leyana iyadonsa iyabuya khona ngaphi koBulawayo , ingafika those are permanent solutions ezizayenzani, ezizanika abantu bakoBulawayo irelief."
Umfundisi Frank Mhlanga weUnited Zimbabwe Alliance uthi abantu abavotele yena lebandla lakhe ngoba abanye sebehluleka.
“EBulawayo North abantwana,amaYouth abalamsebenzi batshona besifa bebulawa yintshengu ehh sizakuqeda konke lokhu njengombuso weUnited Zimbabwe Alliance Party mina nginguMP weBulawayo North Constituency I will make sure ngizayenza ukuthi laa siyangena abantu bathola inhlalakahle , abantu baphile kuhle elizweni.Bakhathele ngakho konke lokhu obekusenzakala i43years yonke le, lo23 years yonke le kwangena futhi okunye abantu bakhathele lokuthi baVota futhi 2018 kodwa wonalawo amagama akhona awayenzanga lutho."
Ozamela iCitizens Coalition For Change, uNkosazana Minenhle Gumede, uthi uzasebenza gadalala ukuthuthukisa ezemfundo lokufaka amapholisa amanengi esigabeni.
"Ngizakhangela ukuthi esigabeni sonke siyenelisa ukuthi sithole imfundo eAffordable for abantwabethu ikakhulu lezindawo kuContituency ezidinga ukuthi sakhe amaGoverment schools ngoba abantwana bahamba umango omude ukuthi bathole izikolo zikaHulumemde.Ezinye izigaba zethu azilamaPolice Base aseduzane, kuzayakhiwa iPolice Base ikakhulu eMahatshula."
Asazi iyozala nkomoni kukhetho lwangoLwesithathu. Namuhla bekulilanga lokucina lokukhankasela ukhetho okusemthethweni.
Forum