Ele South Africa selize latshayela ihlombe umongameli Emmerson Mnangwa kodwa abeZimbabwe basola lokhu besithi yikho okuzabangela ukuthi baqhubeke bebuthana kwele South Africa bedinga imisebenzi.
Embikweni omfitshane othunyelwe enkundleni yokuxhuma eye X ele South Africa lithe litshayela ihlombe uMnangagwa lozulu weZimbabwe ngokwethula ukhetho.
Inengi eliphendule lumbiko lisole lisithi uhulumende wele South africa uhlezi ephathisa amaphutha kahulumende weZimbabwe kungakhathalekile lokuthi ukungahlaliseki kwelizwe kubangala ukuthi inengi liphephelele elizweni le South Africa.
Kusenjalo eleMelika selisole ukhetho olwenziwe ngeviki edluleyo lisithi kusobala ukuthi lolukhetho belungakhululekanga njengalokho okufakazwe zihlangananiso ezigoqla iSADC lezinye.
EleMelika lithi umumo phambilini kwalolukhetho ubungamanga kuhle kumabandla aphikisayo ngoba uhulumende ubesenza kubenzima ukukhankasa kunye lokubotshwa mahlayana kwabantu ababilisa lenhlanganiso ezihlola ukhetho.
Ngokunjalo uhulumende weleMelika uthe usacebisana lamazwe angomakhelwane etshengisa ukungamukeli impumela yokhetho lolu.
Abasola ukhetho lolu kubalisa abancintisayo abanjengoMnu. Mbuso Siso. Ke sizwe imbono yakhe.
Forum