Abadabuka eZimbabwe ababuyela ekhaya ukuyavota bathi kabathakazeleli impumela yokhetho olusanda kuqhutshwa eZimbabwe.
Batheleka ngobunengi babo, abanye bavota, abanye bathola amagama abo engekho kugwalo lwababhalisa ukuvota, ivoters’ roll. UMnu. Kay Mlilo, ohlala kwele Bhilithane, sebuyela khonale elokudana okukhulu.
“Ngisuke eUK ngisiyavota ngezwa kuthwa akula ma ballot papers kuyikuthi iZEC iqambe amanga yathi ama ballot papers what what kodwa sagcina sesivota sokulate and ngi dissappointed ngama results aphumileyo ngoba vele akusiwo ama results ebesiwalindile lawa. Ikhetho lutshontshiwe egcekeni sikhangele. Sengibuyela eUK ngeke ngiphinde futhi ngizovota ngidlalisa isikhathi sami ,lokhu okwase Zimbabwe yinganekwane nje lokhu.”
Omunye njalo osebenza kwele Bhilithane nguNkosikazi Isabel Ndlovu. Uzonde kazazi.
“Sathi sizovota sivotela utshintsho kodwa kasilutholi utshintsho lwangkhona, amavoti ayantshontswa, amavoti ahamba ngendlela yomuntu oyedwa but ayiskho kwabantu bonke why izifiso zabantu bonke zingalandelwa. Izifiso zethu mazihlonitshwe ezweni. Si expect ukuthi izifiso zoluntu zihlonitshwe. Esikufisayo lutsgintsho 43 years, kutshukuthi kuyakuba yi-100 years lokho sigida ndawonye kungala tshintsho.”
Omunye njalo ongajabulanga ngempumela yokhetho nguNkosazana Gugu Mpofu, ohlala kwele South Africa.
“Mina ngisuke eSouth Africa ngibuya lapha ekhaya ngisithi ngizovota savota sibili kodwa impumela yangkhona angijabulanga shame ngoba akuseyikho lokho ade sikucabangela, ngidlalise lemali yami eyokubuya lapha ekhaya ngisithi sizovota.”
UMnu. Randy Bajila uhlala kwele Botswana. Uthi uvote kuhle njalo uyamukela impumelo yokhetho.
“Ukhetho luhambe kakuhle abantu bavotile sesimelele yimpumela kodwa impumela owinileyo uwinile kodwa bengivele ngikubona ukuthi ukubuya ekhaya ngizokwenza amalungelo ami ngenze amalungelo ami ngenxa yokuthi ukuvota is my right.”
Omela inhlanganiso yeFree Zimbabwe eSouth Africa, uMnu. Artwell Sibanda, uthi inhlanganiso zeZimbabwe ezikwele South Africa zizatshengisela esigodlweni sommeli weZimbabwe elizweli leli zikhonona ngempumela yokhetho.
“Ngasuka lapha ngisiyavota mina labafowethu sasuka lapha ngebhasi masifika ngake abanye amagama awekho lami nginje elami igama alitholakalanga ngaphenduka ngingavotanga so bantu bakithi besicela ukuthi Friday sihlanganenini siyevala i-embassy yeEastgate esePretoria please ngeFriday.”
Ohlaziya ezombusazwe ekwele Australia, uMnu. George Mhlophe, wavota ebona engani kuzakuba lenguquko kwele Zimbabwe. Kabuzanga elangeni.
“Ukhetho silubonile sibili, into edanisa even more yikuthi ngazizikhathi zanauhlanje silokhu sitshelwa ukuthi ama V11 aprove ukuthi uChamisa uwinile iyaphindakala njalo into efanayo. So esikucelayo yikuthi uMongameli alungise indlu yakhe. We expect better from the opposition.”
EleZimbabwe alivumeli Izizalwane zeZimbabwe ezihlala ngaphandle kwelizwe ukuthi zivote. Kumele zibuyele ekhaya uma zifuna ukuvota.
Forum