Umanyano wezinkonzo, owe Zimbabwe Council of Churches uthi ukhetho aluqhutshwanga kuhle ngalokho kumele kube lenkulumo zokuxazulula loludaba.
Umnyano lo, obuthanisa amasonto amakhulu awakudala, uthi lanxa ukhetho lwaqhutshwa ngokuthula indlela eyasetshenziswayo yayingaqondanga.
Lumanyano wethule ingxaki ezimbalwa ezigoqela ukuphuza ukulethwa kwamaphepha okuvota, ukwethuselwa kwabantu, ukulotshwa kwamagama abavotileyo yinhlanganiso ye FAZ lokunye okunenginengi.
Ukuhlaziya umumo welizwe kulandela ukugcotshwa kwamakhansila, lamalunga edale lephalamende le senate ngemva kokhetho uSithandekile Mhlanga weStudio 7 uxoxe loMnu. Bhekimpilo Mbedzi, unobhala jikelele webandla leUnited Movement for Devolution, elikhokhelwa ngowake waba ngusomlomo wedale lephalamende ekubandla le MDC uMnu. Lovemore Moyo, elancintisa kwezinye izihlalo zamakhansili kukhetho olwedluleyo.
Forum