Ezinye izizalwane zeZimbabwe esezihlala eBhilithani zifole zaya emahofisini enhloko kahulumende umnumzana Rishi Sunak, ngoLwesihlanu, zihambisa ugwalo lwesicelo sokukhonona ngendlela ukhetho oluqhutshwe ngayo eZimbabwe langokuqilibezelwa ezikuthi kwenzakele kulolu khetho.
AbeZimbabwe laba bathi badinga ukuthi bathole ukuthi ibhilithani yona inganceda njani kulolu daba.
Sibe lethuba lokuxoxa lomnumzana Panyika Karimanzira omunye wabaqoqe uhlelo lokuhambisa lesi sicelo kuhulumende webhilithani.
“Siyakwazi ukuthi eleBhilithani akula elingakwenza lilodwa ukulungisisa inking ezibhekane leZimbabwe kodwa njengelizwe elithuthukileyo, lilakho ukuzwakala enhlanganisweni zomhlaba limanyene lamanye amazwe,” kutsho uKarimanzira.
imizamo yokuthola imibono kahulumende wezimbabwe ngaloludaba ibe liphutha njengoba abesigodlo sommeli wezimbabwe bebengaqodi ucingo kodwa isiphathamandla sezanu pf eBhilithani umnumzana Masimba Mavaza uthi kayisizo zizalwane zeZimbabwe ezihambise lolu gwalo lwesicelo kodwa ngabantu nje abasebenza labangathakazaleli umbuso okhona elizweni owakhethwa nguzulu.
Forum