amalinks wokungena

Breaking News

Osomabhizimusi Bathi Akuvuselelwe Amafekithali koBulawayo Abantu Bethole Imisebenzi


Business meeting in Bulawayo
Business meeting in Bulawayo
Uhulumende uthapha imibono yokuvuselea amabhizimusi ezweni-Nyoni
Osomabhizimusi bakoBulawayo bathi kumele kuvuselelwe amafekithali edolobheni leli ukuze uzulu athole imisebenzi njalo umnotho welizwe usebenze ngemfanelo.
Lokhu kuphume emhlanganweni owenzwelwe edolobheni lelo owokudinga indlela yokubuselela amafekithali amanengi avalwayo lokusungula amatsha. Umhlangano lo ungenwe ngosomabhizimusi abedlula amakhulu amabili abavumelane ukuba idolobho selibhazalele kwezamabhizimusi.
Usomabhizimusi osakhulayo, uNkosazana Nomathamsanqa Msimanga uthi sekumele kusebenze ubulembu ekuthengiseni impahla elungiswa eZimbabwe.
"Ungananzelela umhlaba jikelele usuguqukile ekuphatheleni lendaba zokuthengisa ngakho kuqakathekile ukuba ilizwe liphume lendlela ezivumela abatsha ukuba baphume lendlela yokuthengisa impahla ezilunguswa ezweni ebulenjini ukuze zifinyelele umhlaba jikelele."
Usomabhizimusi olungisa insimbi, uMnu Dosan Mangisi, ucele ukuba kube lamathuba avumela ukuthenga imitshina emitsha.
"Uma uhamba kumafekithali esilawo indawo ezinengi zilemitshina emidala kakhulu okokuthi eZimbabwe uyalungisa untshina owodwa kodwa amazwe akubhizimusi esikulo bayabe benzene okungamatshumi amahlanu kumbe amabili ngiba sebesebenzisa imitshina yakulezi insuku."
Some of the people who attended a business symposium in Bulawayo.
Some of the people who attended a business symposium in Bulawayo.
Umqondisi wamabhizimusi amancene iSMEs Chambers, uNkosikazi Sithabile Bhebhe, ukhala ngokuthi amabhizimusi awalamali yokuwavuselela.
"Bheka ubone ukuthi ilizwe lisebeunzimeni obunjani asilamali yokuvuselela amabhizimusi ethu kuthi kunsuku ezidlule linanzelele ukuba sibelimililo eminengi etshabalalise amabhazimusi amanengi okusitshiye sisebunzimeni abantwana abayanga esikolo akulamali yokuvuselela amabhizimusi."
Kukho konke okuhlelwe ngosomabhizimusi bethi uhulumende akulungisise kugoqela ukuqakathekisa ukukhulumisana labo engakabophi izinqumo ezilawula lumsebenzi.
Umphathintambo wamabhizimusi lamankampani, uNkosikazi Sithembiso Nyoni, uthembise ukusebenza loMayor wakoBulawayo lomphathintambo walelidolobho ukuvuselela amabhizimusi akoBulawayo.
"Ngiyathembisa ukuthi ngizakubaliseko lenu ngisebenze loMfowethu uMayor uDavid Coltart lomphathintambo walelidolobho uNkosikazi Judith Ncube ukuze sincedisane ekuvuseleleni idolobho lethu yebo ngiyindodakazi yalapha lami ngizasebenza ndawonye Lani ekugcwaliseni konke elikutsho lamhlanje ngoba kusiyafika umnyaka ka2030 kumele sibesesithuthukile njengelizwe."
oSomabhizimusi bacele uNkosikazi Nyoni ukuba acele uhulumende ukuthi aphume lemithetho elawula amabhizimusi ehambelana lesimo somnotho welizwe esikhona manje, kusetshenziswe imali njalo ehambelana lomnotho welizwe, kulungiswe imigwaqo, kuthengwe imitshina yakulezi insuku ngoba ekhona isimidala.

Forum

‚Äč
XS
SM
MD
LG