Liyagugudeka idollar leZimbabwe ebelingani selithengiswa ngentengo ephansi ngesikhathi sokhetho, oluqhutshwe ngoNcwabakazi.
Ibhanga elikhulu lelizwe lalibike ukuba selimise ukugugudeka kwedollar ngendlela ezitshiyeneyo. Kodwa kukhanya okwamanje selisiwa isisindo nsukuzonke.
Okwamanje idollar leMelika lithenga amadollar eZimbabwe edlula inkulungwane ezinhlanu RTGS 5,170 emkambo kahulumende kuthi emkambo wensitha, idollar leMelika lithengwa ngamadollar eZimbabwe afika inkulungwane eziyisikhombisa – RTGS 7,000.
Abantu bantu bathi lokhu kwenza ukuba bephile nzima. Emaphandleni abantu labo bathi sokubasinda ukuphanda impilo ngenxa yokugugudeka kwedollar leZimbabwe.
UMnu. Jeffrey Tshuma ngomunye wabahlala koJimila eTsholotsho, esabelweni seMatabeleland North, abathi sebephila nzima.
UTshuma uthi abantu abanengi sebesidla kanye ngosuku njalo abahlala kwele South Africa badonsa nzima ngoba akuselamisebenzi kulelolizwe.
Uthi kuzwisa usizi ukubona abantwana benatha utshwala obubulalayo kulokuthi baqhube inhlelo zabo kumbe besebenze.
Forum