Ukuthonisiswa kwamalunga ayisithupha aweCCC, agoqela amalunga edale lePhalamende amabili kanye lamakhansila amabili kudluliselwe phambili namuhla ngoba umthethwandaba ubungakabi lobufakazi obaneleyo njalo omunye umfakazi ubeloba imihloliso.
Abasolwa bamiswe emthethwandaba kamantshi okwesithathu eWestern Commonage koBulawayo besetheswa amacala okuphazamisa ukuthula kanye lokwephula imithetho ephathelane lokhetho olusanda kwedlula.
Umthethwandaba wawuphe ophenya icala, uMnu. Tinashe Chapel, ithuba lokuyadinga ubufakazi obuveza ukuthi uMnu Gift Ostallos Siziva umsekeli wesikhulumi sebandla leCCC njalo emmela iTshabalala-Pelandaba, edale lephalamende, wayengaphi ngelanga kudalwa icala kanye lokuthi wayetshayela bani ucingo.
Igqwetha lezibotshwa uMnu Tinashe Runganga uchasisa ngokwenzakale edale ngecala leli.
"Kucala lokuthi engibamelayo badabula amagwaliba kaMaMoyo okukhankasa idale lithe siohebduke Mhlaka 1 November ukuzokwaziswa ngokuthi icala liyaqala nini ukuthonisiswa."
Uqhubeke uRunganga ethi leli cala lidluliselwe phambili ukuze liqhubeke lithoniswa mhlaka ngenyanga ezayo.
“Ngimele uSiziba labanye bakhe kubikwa bathethisa uSoneni Moyo. Icala liqalile ukuthonisiswa lamhlanje kwathi umamangala lomfakazi bethule ubufakazi babo edale njalo umfakazi wesithathu uloba imihloliso icala lidluliselwe phambili ukuthonisiswa siyaphenduka njalo edale mhlaka 17 November sikhangelele ukuba abe eselobile imihloliso yakhe."
USiziba wetheswa elinye njalo icala elehlukileyo elokubangela udlakela emdlalweni wenguqu phakathi kweqembu leHighlanders leleDynamos, elilokhe lisaphenywa.
Umamangala kucala lokudatshulwa kwamagwaliba okhetho, uMaMoyo, utshele idale ukuba loba ubufakazi abuphileyo bungahambelani lecala alethesa amalunga eCCC amalungelo akhe ephulwa.
Elinye ilunga leCCC uNkosikazi Zodwa Moyo uthi uyamangala ukuba ibizolakhe likhona kungwalo zedale zamapholisa kodwa kakho kungwalo ezombhophayo ecaleni lokuthethisa uMaMoyo.
"Ngiyamanga ukuthi ibizo lami likhona kustatement sokuvulwa kwecala kodwa alikho kumaphepha edale ngoba vele nganingekho mgalesosikhathi ngafika sebekomunye u.gwaqo."
Amalunga edale lephalamende amabili aweCCC uSiziba, loMnu. Surrender Kopoikulu ommela iBulawayo Central edale lephalamende lamakhansila abalisa uAlderman Earnest Rafomoyo, uTendai Masocha, uKhansila kaWard 20, uSimbarashe Dube loKhansila kaWard 13, uLovewell Mwindwe babotshwe kumaviki asanda kwedlula amapholisa esithi badabula amaphepha omkhankaso kaNkosikazi Soneni Moyo ngesikhathi sokhetho, okulicala lakuqala. Elesibili kungelokuthi bephula umthetho weCriminal Law Codification and Reform Act ngokuthethisa uNkosikazi Moyo.
UNkosikazi Moyo wancintisa ukhetho esithi umela iCCC kodwa lelibandla lithi alimazi. Omunye umamangala kumacala abasolwa laba nguNkosazana Sibongile Ndlovu lomntwana ophakathi kokuloba imihloliso.
Forum