Umbukiso wezokwethekela oweHlanganani/ Sanganai World Tourism Expo 2023 ungene kulanga lesibili lamhlanje eZimbabwe lnternational Trade Fair Hall lapho inhlanganiso ebona ngokutshala imali kwezamabhizimusi ezweni iZimbabwe Investment Development Agency iqale uhlelo lokuxhumana kwabazotshala amabhizimusi ebulenjini.
Emizameni yokukhulisa ibhizimusi lezokwethekelwa uNkosikazi Silibazo Chinziwa obona ngezokutshala imali eZimbabwe uchaze ukuba uhulumende sethumele abazamela ilizwe kweleChina, Russia lakwamanye amazwe ukuze kwengezwe inani lezethekeli labalesiiso sokuzokutshala imali elizweni.
"Sesithumele abameli bezokwethekelwa eChina leRussia lakwamanye amazwe ukuze inani lamabhizimusi likhule kanye lalabo abazokwethekela ilizwe sijonge ukuba kusiyafika umnyaka ka2025 inzuzo lezsthekile inani lakhonamlibeselikhuphukile.
UMgcinisihlalo weZIDA uMnu Busisa Moyo uthi bakhangelele ukukhuphuka kwenani lezethekeli labazosungula amabhizimusi.
"Okwamanje inani labatshala imali kwezokwemba abasuka eChina liphezulu njalo sesikhangelele ukuba beze njalo ngobunengi bezotshala imali kumabhizimusi ezokwethekelwa."
Umphathintambo wezokwethekelwa uNkosazana Babra Rwodzi leziphathamandla zogatsha lwakhe ngabanye abakade bekhona embukisweni walonyaka oweHlanganani Sanganai World Toursim Expo 2023 lapho abanxuse abathengi, izethekeli kuhlanganisa labatshali bemali ukuba baze eZimbabwe lilizwe elilokuthula labantu abahle.
Umbukiso lo uyaphela Ngomgqibelo njalo ababukisayo bathi bayasuthiseka ngezinga labathengi abangene umbukiso walonyaka.
Lonyaka amankampani aphose afike amakhulu amane - 375 abukisa eHlanganani- Sanganai World Toursim Expo 2023 awemazweni agoqela iZambia, Malawi, South Africa, Bostwana, Rwanda le Iran kanye labathengi bamabhizimusi abasuka emhlabeni jikelele abedlula amatshimi amathathu.
Forum