Inkampani eye Zimbabwe Electricity Transmission and Distribution Company (ZETDC), yethule umbiko wokukhuphula. Lokhu kwamukelwe ngendlela ezitshiyeneyo ngabanengi, osomabhizimusi besithi lokhu kutsho ukukhuphuka kwentengo yempahla yonke ezebenzisa ugetsi.
Umnunzana Thembelani Dube unobhala wenhlanganiso yeBulawayo Progressive Residents Association uthi ukuqonga kwentengo yamagetsi kuletha ukuthwala nzima kuzulu.
“Ukukhwela kwentengo kagetsi kutsho ukuthi izakhamuzi ezinengi zizakwehluleka ukusebenzisa ugetsi njengoba bezivele zithwele nzima. Khonokhu sekuzatsho ukuthi abanengi bazahlala isikhathi eside besemnyameni, abanye besiyadinga inkuni okudala ukugugudeka kwasendle. Kuthi amabhizimusi lawo azehluleka ukuthi aqhube kuhle, okuzenza ukuba bekhweze intengo yempahla.”
Umnumzana Mkhokheli Nyathi ongusomabhizimusi uthi ukukhuphuka kwentengo yamagetsi kutsho ukuthi lempahla zokuthengwa lazo zizakhuphuka ngoba ngeke bathwale umthwalo lowu bebodwa kodwa bazadlulisela phambili kubathengi.
"Indaba yokukhuphuka kwamagetsi kutshukuthi kuzakhuphuka intengo yazo zonke izinto ezikhona lempahla ezithengiswayo. I effect yakhona akufanelanga isalele usomabhizimusi kuphela kodwa kumele ibe yiShared cost, ngakho ke iCost yakhona yiyo esizayiqhubezela phambili. Okungangokuthi iEconomy, zonkizinto zizakhuphuka, kisiyafika isikhathi esizayo sizabe sibona amaPrize esiya esiya phezulu okuyinto ezakhathaza abanengi abathengayo.”
Inkampani eye Zimbabwe Electricity Transmission and Distribution Company (ZETDC) ichaze ukuba intengo abantu abakade bethenga ngayo ugetsi yamasenti alitshumi-USc10.63 ku-kWh, ibingeneli ukuba bakhangele zonke indleko ezikhona nxa kuphekwa ugetsi kungakho bethethe inyathelo lokwengeza ngamasenti amabili ku-kWh, ukuze ibe ngamasenti alitshumi lambili ku ku-kWh. Ibike njalo ukuba intengo entsha izaphathisa ekuthuthukiseni kokusebenza kwabo.
Forum