Umbukiso wezomsebenzi wokwemba, oweMine Entra 2023, uqale koBulawayo Ngolwesithathu.
AbeZimbabwe International Trade Fair, abayibo abaqoqe lumbukiso bathi uzadonsa amalanga amathathu.
Lokhu kwethulwe ngumqondisi olawula umbukiso wezokuthengiselana oweZimbabwe lnternational Trade Fair, uMnu. Nicholas Ndebele.
"Umbukiso wezokwemba usuqali uhamba kuhle ababukisi basendaweni zabo njalo lemihlangano emibili weLithium and Battries lowe mining suppliers yonke iqhubeka kakuhle."
UNdebele uqhubeke ethi uMongameli Emerson Mnangagwa nguye ozavula lumbukiso okusemthethweni Ngolwesine ekuseni.
"Kusasa umongameli Emmerson Mnangagwa sikhangelele ukuba avule umbukiso okusemthethweni kuHall 2 kuthi lombukiso wezokwemba lamatshe aligugu uzabe uvulelwe uzulu labosomabhizimusi."
Ongene embukisweni lo, lamhlanje umqondisi wenkampani yezimotha eyeNissan Clover Leaf, uMnu Derrick Mazvito uchasisa ababukisayo lonyaka.
"Siyabukisa lapha eMine Entra 2023 izimota ezilohlonzi njalo ezilungele abakubhizimusi lokwemba."
UNkosikazi Novuyo Mathonsi umqondisi wohlangothi lukahulumende olubona ngokwethekelelwa kwelizwe olweZimbabwe Tourism Authority uthi bayabukisa ukuze abembi bazi indawo zokuyahlaba ikhefu kanye lokuzolibazisa elizweni.
"Siyabukisa lapha eMine Entra 2023 ukuze zibonise abakubhizimusi lokwemba indawo abangazivakatshela ngesikhathi bephumula ukuze behlale besazi izindawo zethu ezihlukeneyo ezweni jikelele,"
Umbukiso owe Mine Entra umanyanisa abakulumsebennzi labamankampani alungisa imitshina abayisebenzisayo ukwemba kanye lamacebo okusebenza okungela Ngozi, lempahla yokuvikela izisebenzi ukuthi zingalimaleli emsebenzini.
Umongameli Emnerson Mnangagwa ubikwa enguye ozavula okusemthethweni umbukiso walonyaka wezokwemba oweMine Entra koBulawayo, oqale kuhle mhlaka 1Lwezi usiyaphela mhlaka 3.
Amankampani ayedlula ikhulu lamatshumi ayisithupha-160 ayabukisa lonyaka eMine Entra. Aba kulumbukiso ngabakulumsebenzi elizweni jikelele kanye labavela kwamanye amazwe agoqela iBostwana, iTanzania iDRC, China leSouth Africa.
Umbukiso walonyaka ugijima ngendikimba ethi “Accelerating Economic Transformation Through Mineral Beneficiation.”
Ingcwethi zenotho zithi umsebenzi wokwemba lokwethekelelwa kwelizwe ngomunye wemisebenzi osuhamba phambili ekuletheleni ele Zimbabwe imali yakwamanye amazwe kanye lokuphathisa intuthuko yezomnotho, ngenzuzo efika phose isilinganiso esingamatshumi ayisithupha ekhulwini, 60 percent.
Umphathintambo wezokwemba uMnu Soda Zhemu lamhlanje ungene imihlangano obekuhlaziywa ngezokwenjiwa kwelitshe elisetshenziswa ukulungiswa kwamabattery aweLithium loweMining Industry Suppliers.
Forum