Amalunga ebandla leCitizens Colition for Change -CCC abahlanu bamiswe phambi komthethwandaba kaMantshi eWestern Commonage Court koBulawayo, NgoLwesithathu, bebhekane lecala lokudabula amaphepha omkhankaso akaNkosikazi Soneni Moyo.
Abe CCC ngokwenza lokhu babikwa bephule usahluko 153 (1) wesahluko 2:13 womthetho wezokhetho iElectoral Act.
Ingwetha lezibotshwa uMnu Tinashe Runganga uchaza ngempumela yecala leli.
"Icala lamalunga eCCC seliyaqala ukuthonisiswa eTredgold Magistrate Court mhlaka 16 November sizaphiwa ilanga lokuqala ukulithonisisa lomantshi ozaliphatha njalo luyabe seluphathwa ngumansthi ohlukile kulalo othonisisa icala lokuthethisa uMaMoyo."
Idale beliphe ophenya icala uTinashe Chapel, ithuba lokuyadinga ubufakazi obuveza ukuthi uOstallos Siziva wayengaphi ngelanga kudalwa icala kanye lokuthi wayetshayela bani ucingo.
URunganga uchasisa kabanzi ngalokhu.
"Ubufakazi esasicele idale ukuba sibuthole sesilabo njalo wonke umuntu ophathelane lecala leli uselabo sizabuzwa edale mhlaka 16 November yikho lapho esizaphiwa ilanga lokuqala ukuthonisiswa kwecala."
UNkosikazi Moyo wancintisa ukhetho oludlule lwalonyaka esithi umela iCCC kodwa lelibandla lithi alimazi.
ldale likamantshi litshelwe ukuba mhlaka 16 Ncwabakazi, uGift Ostallos Siziva, uAlderman Earnest Rafemoyo, uTendai Masotsha, ukhansila kaWard 20 uSimbarashe Dube lo Lovewell Mwindwe ukhansila kaWard 13 babikwa badabula amaphepha omkhankaso kaNkosikazi Moyo okulicala lakuqala eseliyathoniselwa eTredgold Magistrate Court 1 mhlaka 16 Lwezi kuthi elesibili elokuthethisa uNkosikazi Moyo liyaqhubeka lithonisiswa ngumantshi uProgress Murandu eWestern Commonage Court njalo liyangena Mhlaka 17 Lwezi.
Forum