U-Bulawayo umanyane lohulumende ekududuzeni imuli zalabo abatshone engozini yomgwaqo oya eBeitbridge kunsukwana ezedluleyo.
Lingozi ibulele abantu abangamatshumi aphezu kwamabili lambili kwasinda oyedwa owesifazana owelatshwa esibhedlela seMpilo.
UMabhalane weMatabeleland South uNkosazana Latiso Dlamini Maseko uthi uhulumende uncedise ngamadola eZimbabwe ayizigidi ezimbili, isaka lomumbu lokubekwa komufi ngemuli ngemuli njalo uhulumende ulakho ukusala engcine imuli zabatshonileyo.
"Imuli ezifelweyo zizaphiwa ukudla kwemfeni kuthi abantwana abaseleyo uhulumende ulakho ukubasiza kunhlanganisa lomama owasindayo uyelatshwa nguhulumende."
UMnu Mhlaleli Mpofu osebenza ukuthwala abantu eMax Garage uthi ukhala lemuli ezilahlekelweyo.
"Silahlekelwe asilamathe silapha abafowethu bahambe singakhaangelele njalo kubuhlungu asazi ukuthi sizakukhohlwa njani."
UMnu Khumbulani Mpofu odabuka eNkayi uthi kubuhllungu okubehleleyo uhulumende.
"Sicela uhulumende alungisise imigwaqo kanye lokusiphatha kuhle eborder sisebenza nzima sesizesalahlekelwa ngabanye bethu ngoba lapho esisebenzela khona akuphathwa kahle nguhulumende."
Uhulumende uthembise ukuthi uzancedisa izimuli zabafi bonke abatshonele kulingozi ukuze bayebekwa lapho okufunwa khona imindeni yabo. Abamankampani ancedisa ngezikhathi zemfa ezeKings and Queens, leDoves amanyane lohulumende ukuncedisa ukubeka bonke abasitshiyileyo.
Forum