Inhlanganiso ezimela izihambi ezigada amabhasi sezikhuthaze uhulumende ukuthi engezelele inhlelo zokulungiswa kwemigwaqo elizwe.
Zithi ingozi zemigwaqweni ezanda kakhulu ngesikhathi sekhefu zibangelwa yibubi bemigwaqo kanye lokungatshayeli kuhle kwabatshayeli.
Lokhu kuza ngemva kokuthathwa ngamanzi kwebridge leSesame elixhumanisa iNembudziya leGokwe South izolo, kanye lezinye ingozi ezibulalise abantu abanengi kukhefu lekhisimusi lokuqala komnyaka omutsha.
Izihambi zime kumacele amabili alumfula zingasenelisi ukuchapha.
Umgcinisihlalo wekhomithi ebona ngokuvikelwa kukazulu owelwe yingozi eyeCivil Protection Committee eGokwe South uNkosazana Netsai Mushauri ukhuphe umbiko ekuthaza abahamba ngezimota ukuthi bananzelele ikakhulu nxa bechapha imifula.
Ekhuluma leStudio7unobhala jikelele wenhlanganiso emela amalungelo ezihambi eyeZimbabwe Passengers Association, uMnu Paul Makiwa ukhuthaze uhulumende ukuthi alungise imigwaqo yelizwe.
UMnu Mcleo Mapfumo yena osebenza lenhlanganiso yeSafe School Zones Zimbabwe ekhuthaza ukuvikeleka emigwaqweni ukhuthaze abamankampani amabhasi ukuthi bengaqhatshi abatshayeli abangela maphepha eneleyo njalo balungisise imota lamabhasi abo ukuze zingabangeli ingozi.
Forum