Inhlanganiso yamazwe omhlaba ebona ngezempilakahle eyeWorld Health Organization, W.H.O. ithi iZimbabwe ngeyesithathu emazweni eSADC alabantu abanengi asebebulawe ngumkhuhlane weCholera.
Kumbiko wayo okhutshwe kuyonaliviki inhlanganiso yeW.H.O ithi umkhuhlane lo usuhlasele amazwe angamatshumi amathathu (30).
IMalawi yiyo elabantu abanengi okubikwa besebefike kunkulunganwe lamakhulu ayisikhombisa (1771), ilandelwa yiZambia elabangamakhulu ayisikhombisa (608).
Umbiko okhutshwe lugatsha lwezempilakahle lokondliwa kwabantwana eZimbabwe uveza ukuthi izolo umkhuhlane lo ubusubulele abantu abangamakhulu amahlanu lamatshumi amabili lasithupha (526) elizweni.
Izakhamizi zithi ukuswelakala kwamanzi emadolobheni lobuyanga ngokunye kwezinto ezibangela ukumemetheka kwalumkhuhlane.
Umgcinisihlalo wenhlanganiso yezakhamizi koBulawayo eyeBulawayo Progressive Residents Associaton, uMnu Ambrose Sibindi utshele iStudio7 ukuthi kuqakathekile ukuthi uzulu aqhubekele phambili ephiwa ulwazi oluzaphathisa ekulwiseni lumkhuhlane.
Forum