Inengi labasakhulayo kweleMelika lithi lifisela ukuthi ngabe kulabanye abancintisa ukuba ngumongameli ngaphandle kokukhetha uMongameli Joe Biden loMnu. Donald Trump.Kungakhathalekile, abatsha bakhetha bani phakathi kwababili laba?
Phakathi kwabadala abangakaze bancintise ukuba ngumongameli kweleMelika kulemibuzo eminengi, ikakhulu kwabasakhulayo.
U-Desmond Kager ubefuna kube labanye abancintisayo.
"Nxa ama Republicans kumbe ama Democrats bengakhetha umuntu olohlonzi, uyazi, ngingamvotela."
Uphenyo olwenziwe yinhlanganiso ye Pew Research ngeviki edluleyo luveze ukuba isilinganiso esedlula okungamatshumi ayisikhombisa lanhlanu ekhuluwini, 75 percent sabavoti abaphansi kweminyaka engamatshumi amathathu, 30, bathi bebengafuna abancintisayo laba ababili ukuthi basuswe, ngani besenelisa.
Kodwa yibaphi abasakhulayo abafuna u-Trump kumbe u-Biden?
Ukunanzelela udaba lelungelo lokuzala yikho okwenza u-Francesca Panniello ukuthi asekele uMongali Biden.
"Ngiboba sengani udaba lokususa isisu luqakatheli. Ngibona leli kulilungelo lokukhetha liqakathekileyo ..."
Ilungelo lokukhetha ukuzala lokubhema insango kukhona kuphepha lokuvota esigabanei se Florida kukhetho luka Lwezi. Lokhu yikho okuletha intsha ukuthi ivotele ibandla le Democratic Party, kutsho u-Jayden D’Onofrio.
"Intsha yabavoti ilethuba lokulungisa indlela yokuvota laph e-Florida. Sibona ukuthi ilungelo lokukhetha lelokubhema insango yokuzilibazisa kuyinsika yabasakhulayo okuqakathekiswa yintsha evotayo, ikhakhulu ilungelo lokukhetha ukukhipha isisu.”
Abanye abasakhulayo basola u-Biden ngokusekela ele Israel empini yalelolizwe esigabeni se Gaza. Kodwa lokhu yikho okuazbangela ukuthi u-Eliana Steni amvotele.
“Engikubonayo okwamanje okuqakathekileyo yikusekela ele Israel, ikakhulu ngalesi sikhathi sempi. Ngisekela u-Biden ngakwenzayo kulimpi ..."
Abatsha abasekela u-Biden bagoqela owe Wisconsin, uBriauna Bonilla lo Jonathan Boyer.
“Sengike ngazama ukukhulumisana labazonda u-Trump kodwa bathi suka, asifuni ukukhuluma ngalokho, suka.’ Yikho engikubona kuludubo. Bathi nxa uthanda u-Trump ungumuntu omubi ..."
Ngibona njengathi nxa ufuna ingxoxo ekhululekileyo abanye abafuni. Abanye bayasuka bazihambele kumbe bengasakhulumi lawe, kumbe batshele wonke u7muntu, uyazi.
Inengi lentsha evotela u-Trump likwejayele ukuthi abanye babo bayasola ukuthi bakhethelani u-Trump, kutsho u-Isayah Turner.
“Ngingaya ebhawa ngigqoke impahla elotshwe ukuthi Trump 2024, ngibona ngikhangelwa ngelihlo elibi. Kodwa akungihluphi lokho.”
U-Turner uthi uthanda indlela u-Trump alwisana ngokungethembeki.
“Ngibona kulokungengi okungalunganga okwenzakala emhlabneni. Ngibona u-Trump kunguye yedwa otshaya inja engafihli umphini, engsesabi. Ngiba engenzela ilizwe okungcono, uyazi.”
Uphenyo olwenziwe yinhlanganiso ye Reuters le Ipsos ngoMbimbitho itshengisa ukuba abakweleMelika abaleminyaka engaphakathi kwelitshumi lasitshiyangalombili lengamatshumi amabili lasitshiya ngalolunye ifuna u-Biden kulo Trump ngesilinganiso esungokuthathu ekhulwini, 3 percent.
Lesi silinganiso sincinyane kakhulu kulesingamatshumi amabili lane ekhulwini, i-24 percent u-Biden anqoba ngaso kuminyaka emine edluleyo.
Forum