Impumela yokhetho lwakele South Africa ize yethulwa namuhla itshengisa ukuba kuvote abantu abedlula kancane ingxenye yabalelungelo lokuvota, abangu 58 percent kuphela.
Umgcinisihlalo wenhlanganiso yokhetho, uMnu. Mosotho Moepya esethula impumela yokucina yokhetho uthe phakathi kwabantu abalelungelo lokuvota abedlula izigidi ezingamatshumi amabili lasitshiyangalombili, 28 million, kuvote abayizigidi ezilitshumi lasithupha, 16 million kuphela.
Ibandla le ANC lithole izihlalo, kumbe ama seats, ezilikhulu lamatshumi phose ayisikhombisa, 159. Kuthi ele DA lathola angamatshumi phose ayithoba munwe munye, 87. Kwalandela ele Mkhonto Wesizwe ngamatshumi afika phose asyisithupha, 58.
Ele EFF lona lithole izihlalo ezingamatshumi afika phose amane, 39 lilandelwa ngele Inkatha Freedom Party elithole ama seat alitshumi lasikhombisa, 17.
Ekhuluma embuthwaneni munye namuhla ebusuku, uMongameli Cyril Ramaphosa ubonge uzulu welizwe lakhe ngokuvota ngokuthula esithi kumele abanqotshiweyo bameukele impumela.
Okhokhel ibandla le Mkhonto Wesizwe, uMnu. Jacob Zuma yena uthi abayemukeli impumela yalolukhetho njalo bazakuyayiphikisa emthethwandaba uvinjwe ukungena ngesikhathi uMongameli Ramaphosa ekhuluma.
Impumela itshengise ukuba ibandla elibusayo ele ANC kalisoze lenelise ukubumba uhulumende lingabambisananga lelilenye lamabandla.
Umbuzo ngothi lizabambisana laliphi ibandla wona amabandla la engaboni ngaso linye?
Ukuhlaziya loludaba sixoxe locubungula ezombusazwe, uMnu. Zenzo Nkomo.
Forum