Breaking News

UMnu Donald Trump Uthi Iwebsite Yomkhankaso Wakhe Ihlaselwe Yizigebengu Zebulenjini amaHackers

Umnu Trump loNkosikazi Harris
Umnu Trump loNkosikazi Harris

Owake wabangumongameli weleMelika uMnu Donald Trump wazise ukuthi iwebsite yomkhankaso wakhe ihlaselwe yizigebengu ze-inthanethi, ama hackers.

Laloba kungakaziwa okugcweleyo ngalokhu, umsekeli kaTrump angena laye kukhetho uJD Vance usekhulume lentathelizindaba ezinengi ehlasela ongena kukhetho lukamongameli emele ibandla leDemocratic Party.

Kusenjalo, umsekeli kamongameli weleMelika uNkosikazi Kamala Harris langena laye kukhetho uTim Walz baqhubeka ngomkhankaso wabo bekhangela kakhulu kwezenotho.

Umkhankaso kaKamala uthi uzaqakathekisa ukuthi ababhadalwa ngama-tip bengabhadali umthelo, kodwa uTrump uthi nguye owaqala ukubuya lombono lo.

Olandela ezombusazwe weleMelika uMnu Tim Muringai uthi umkhankaso wababili usulokuncintisana okukhulu njengoba usuku lokuvota selusondele.

No media source currently available

​
XS
SM
MD
LG