amalinks wokungena

Breaking News

Ababalisi Ababotshwe ngoMvulo Bakhululwe ngoLwesithathu Ngemali Yesibambiso eyeBail Ngumantshi weMarondera


Inhlanganiso yeZimbabwe Lawyers for Human Rights ibikwa isithi bazabuyiselwa njalo emthethwandaba kamantshi eMarondera mhla ziku 15 kuyonale inyanga.

Inhlanganiso yamagqwetha eyeZimbabwe Lawyers for Human Rights ithi ababalisi benhlanganiso yeAlmalgamated Rural Teachers Union of Zimbabwe-ARTUZ ababotshwe ngoMvulo eHwedza izikolo zivulwa betshengisela besola iholo labo abathi liphansi bakhululwe ngoLwesithathu ngemali yesibambiso eye bail efika ku madola azinkulungwane ezinhlanu ngemali yeZimbabwe.

Embikweni owethulwe enkundleni yeTwitter, inhlanganiso le ithi bazabuyiselwa njalo emthethwandaba kamantshi eMarondera mhla ziku 15 kuyonale inyanga.

Ababalisi abakulumanyano lo bathi okwamanje abenelisi ukuya ezikolo ngoba imali abayitholayo ingeneli njalo bazakhalala umsebenzi ngoLwesihlanu nxa uhulumende engabakhuphulelanga iholo.

Lokhu kwenzakala uhulumende esithi useqhatshe ababalisi abafika inkulungwane ezine; four thousand abasungule umsebenzi ngoMvulo.

Isikhulumeli sogatsha lukahulumende olubona ngezemfundo uMnu. Taungana Ndoro utshele iStudio 7 ukuthi leli linyathelo elihle elizaphathisa ngoba ababalisi bebevele besilela ezikolo, njalo bazaqhubeka beqhatsha abanye.

Ukuze sihlaziye loludaba, sixoxa loMnu. Thembakuye Moyo, isikhulumeli seARTUZ.

please wait

No media source currently available

0:00 0:02:29 0:00


Facebook Forum

XS
SM
MD
LG