WASHINGTON DC —
Ababalisi bathi baya phambili ngohlelo lokukhalala umsebenzi kabili ngeviki bekhala ngeholo eliphansi kusukela kuliviki.
Inhlanganiso yeZIMTA ithi amalunga ayo azafundisa ngoMvulo, ngoLwesibili langoLwesithathu kuphela kuthi ngoLwesine langoLwesihlanu azihlalele ngekhaya.
Inhlanganiso yePTUZ layo ithi amalunga ayo azakwenza ngokufanayo.
Ababalisi bathi bafuna ukuholisa imali elingana leUS$520.
Kodwa uhulumende ubatshele ngeviki edluleyo emhlanganweni awenze lezisebenzi zakhe zonke ukuthi kalayo imali yokubakhwezela iholo ngesilinganiso abasifunayo.
Unobhala jikelele wenhlanganiso emela izisebenzi eyeZCTU uMnu Japhet Moyo uthi bayalisekela inyathelo lababalisi.