amalinks wokungena

Ababhalisa Ukuvota Babikwa Sebethwaliswe Nzima Ngabatsha Bebandla leZanu PF

  • Chris Gande

Ukhetho

Ibandla le Movement for Democratic Change (MDC) elikhokhelwa nguMnu. Welshman Ncube selithumele amalunga alo ahlola okwenzakala ekubhaliseleni ukulobisa amagama abavoti asebeveze abathi yindlela zokuqilibezela.

Lelibandla lithi sekulabasakhulayo bebandla leZanu PF abaloba amagama abantu ababhalisa kugwalo lokuvota.

Selokhe lwaqala loluhlelo ngenyanga edluleyo loluhlelo lubhekane lengxaki ezimbalwa.

Kukhangelelwe ukubhalisa abantu abayizigidi eziyisithupha kodwa abayabhalisa balutshwana kakhulu lanxa loluhlelo luzaphela ngenyanga kaZibandlela ngomnyaka ozayo.

Obona ngokuhlelwa kwenhlelo zebandla leli, uNkoszikazi Ellen Shiriyedenga, uthi okunye okwenza uhlelo lolu lungahambi kahle yikungasebenzelani kogatsha lukamsitheli, olupha abantu izithupha logatsha lwezokhetho olwe Zimbabwe Electoral Commission.

“Kunzima kodwa lathi njengenhlanganiso ezizimeleyo siyangena sibili ebantwini. Lapho okulama problems khona, njengokuthi lapho okufunakala amagqwetha siyabadingela inhlanganiso ezifana le Lawyers for Human Rights le Abammeli,” kutsho uShiriyedenga.

Kodwa uthi uhlupho olukhulu yikuthi abathathisa izithupha bafika kuqala ababhlalisa amabizo bengakafiki.

Uthi lesi ngesinye sezikhalazo abaziqhubele phambili kugatsha lwe Zimbabwe Electoral Commission.

“Enye inkinga yikuthi imitshina yeZEC ibisifa kuthiwe kayisasebenzi,” kutsho uShiriyedenga.

Facebook Forum

XS
SM
MD
LG